گه‌ڕان

Shadow Shadow
چیرۆكه‌كانمان

کۆتا جار چی بە باوکی وت

چیرۆکی بێسەروشوێنبوونی گەنجێکی کورد کە لەگەڵ براکەیدا دووانەن

2021.09.16 - 21:40
App store icon Play store icon Play store icon
چیرۆکی بێسەروشوێنبوونی گەنجێکی کورد کە لەگەڵ براکەیدا دووانەن

ناس کورد- 

گەنجێکی تەمەن 24 ساڵی دەربەندیخانی دوای ئەوەی بەرەو دەرەوەی وڵات بەڕێکەوتووە، دوای ئەوەی لەنێو بارهەڵگرێکەوە لەڕێگای ئیتاڵیا پەیوەندی بە باوکییەوە دەکات و دەڵێت، "وەزعم باش نییە" ئیدی لەوکاتەوە و  ماوەی سێ مانگە هیچ سۆراغێکی نییە.

کەناڵی ناس کورد لە تێلیگرام جۆین بکە   

 

دارەوان قارەمان مەحمود، گەنجێکی تەمەن 24 ساڵی قەزای دەربەندیخانە و بەهۆی نەبوونی هەلی کار و دانەمزراندنەوە بەر لە چەند مانگێک هەرێمی کوردستانی بەرەو دەرەوەی وڵات جێدەهێڵێت. 

 

me_ga.php?id=4555

 

سەربەرز عومەر، پورزای دارەوانە و (پێنجشەممە 16ی ئەیلولی 2021) بە "ناس کورد"ی ڕاگەیاند، "دوای ئەوەی گەیشتە یۆنان، سێ مانگ پێش ئێستا لە سنوری نێوان یۆنان و ئیتاڵیا کردوویانەتە نێو بارهەڵگرێکەوە بەبێ ئەوەی شۆفێری بارهەڵگرەکە بزانێت، بۆ ئەوەی بەو ڕێگەیە بگاتە ئیتاڵیا." 

 

وتیشی، قارەمان بە تەنها خۆی لە بارهەڵگرەکەدا بووە و هیچ کەسێکی دیکەی لەگەڵدا نەبووە، پەیوەندی کردووە بە باوکییەوە و وتویەتی، "لە بارهەڵگرێکدام بۆری تێدایە و خۆم شاردووەتەوە، بەڵام وەزعم باش نییە و هەناسەم توندە، شەحنیشم پێنییە و ئێستا مۆبایلەکەم دەکوژێتەوە." 

 

بەوتەی سەربەرز عومەر، لەدوای ئەوە مۆبایلەکەی قارەمان دەکوژێتەوە و ئیتر لەوکاتەوە هیچ سۆراغێکی نییە و نازانن چی بەسەر هاتووە. 

 

باسی لەوەشکرد، قارەمان لەگەڵ برایەکی دیکەیدا دووانەن و زۆر لەیەک دەچن، بە ئەستەم جیادەکرێنەوە، خوشکیشیان نییە، ئێستا بارودۆخی دایک و باوکی و براکەی زۆر خراپە و تامەزرۆی دۆزینەوەی قارەمانن بە سەلامەتی.

 

me_ga.php?id=4553

 

ڕوونیشیکردەوە، قارەمان بەهۆی بێکاری و بارودۆخی خراپەوە هەرێمی کوردستانی جێهێشت، بەڵام توشی ئەو ڕووداوە بووە و لەئێستاشدا دوو کەسی بنەماڵەکەی کە لە وڵاتی بەڕیتانیان چوونەتە ئیتاڵیا بۆ زانینی چارەنوسی. 

 

ئەو داواشی لە سەرجەم ئەو کەسانە کرد کە لە دەرەوەی وڵاتن هەر زانیارییەکیان هەبوو لەسەری پەیوەندییان پێوە بکەن، لەڕێگەی ئەم ژمارە تەلەفۆنانەوە: 

٠٧٧٢٩٩٩٦١٣١

٠٧٥٠١٢٤٨٢٠٠

 

دارەوان قارەمان لە بەشی "بیۆ"ی فەیسبووکەکەی نوسیویەتی، "خودایە شوکرم" 

 

me_ga.php?id=4554