گه‌ڕان

Shadow Shadow
سیاسه‌تی

وردەکاریی

’’ناس’’ گۆڕانکاریی لە پۆستێکى باڵاى پەروەردە لەسلێمانى ئاشکرادەکات

2021.09.15 - 22:30
App store icon Play store icon Play store icon
’’ناس’’ گۆڕانکاریی لە پۆستێکى باڵاى پەروەردە لەسلێمانى ئاشکرادەکات

ناس کورد-

 

بەڕێوەبەرى پەروەردەى ڕۆژئاواى سلێمانى دەگۆڕدرێت و بەڕێوەبەرى قوتابخانەیەکى ئامادەیى کچان دەخرێتە شوێنى، هەرچەندە هێشتا بەفەرمى رانەگەیەنراوە.

کەناڵی ناس کورد لە تێلیگرام جۆین بکە   

 

بەپێی زانیارییەکانى "ناس کورد"، بڕیارە گۆڕانکاریی لە پۆستى بەڕێوەبەرى پەروەردەى رۆژئاواى سلێمانى بکرێت و لەشوێنى بەکر محەمەد، بەناز ڕەمەزان حەمە بەڕێوبەرى ئامادەی رەنگینى کچان دادەنرێت.

 

لەو بارەیەوە، بەناز ڕەمەزان حەمە ئەمڕۆ چوارشەممە (15ى ئەیلولى 2021) بە "ناس کورد" ى ڕاگەیاند "هەرچەندە بە فەرمى بڕیارى دەستبەکاربوونم وەک بەڕێوبەرى پەروەردەى رۆژئاوا بە دەست نەگەیشتووە بەڵام خەڵک پیرۆزبایم لێدەکەن و دەڵێن ئەمرەکەمان بینيوە کە لەو بارەیەوە دەرکراوە".

 

وتیشى ماوەیەک لە مەوبەر سیڤى پڕکردوەتەوە و هەموو مەرجەکانى بون بە بەڕێوبەرى پەروەردەى تێدایە.

 

ناس کورد پەیوەندى بە مامۆستا بەکر محەمەدەوە کرد، بەڵام وەڵامى پەیوەندییەکەى نەدایەوە.

 

بەوتەى سەرچاوەیەکى ئاگادار بۆ "ناس کورد"، ئەو گۆڕانکارییەى پەروەردە دەکەوێتە دواى هەڵبژاردنەکان.