گه‌ڕان

Shadow Shadow
چیرۆكه‌كانمان

بەنیازى هاوسەرگیریی بوو

ڕەوەز نەحەسایەوە لە ئوتۆمبیلەكەی؛ دواى 10 رۆژ لەکڕینى وەرگەڕاو گیانى لەدەستدا

2021.09.15 - 21:37
App store icon Play store icon Play store icon
ڕەوەز نەحەسایەوە لە ئوتۆمبیلەكەی؛ دواى 10 رۆژ لەکڕینى وەرگەڕاو گیانى لەدەستدا

ناس کورد-

 

رەوەز نورەدین 10 رۆژ لەمەوبەر زۆر خۆشحاڵ بوو کاتێک ئۆتۆمبێلێکى کڕی، بێ ئاگا لەوەى دواى چەند رۆژێکى کەم ئۆتۆمبێلەکەى وەردەگەڕێت و گیان لەدەستدەدات.

کەناڵی ناس کورد لە تێلیگرام جۆین بکە   

 

رەوەز تەمەن 25 ساڵ، رۆژى سێشەممە 14 ئەیلولى 2021 لەکاتى گەڕانەوەى لەسەر کارەکەى لەنێوان کەنەکەوە و تاسڵوجە لە نزیک سلێمانى ئۆتۆمبێلەکەى وەرگەڕا و گیانى لەدەستدا.

 

ئەو لەگەڵ دایکى و دوو خوشکەکەیدا لە تاسڵوجە دەژیا و رۆژانە سەرقاڵى بۆیاخى ئۆتۆمبێل بوو لە ناوچەى پیشەسازى سلێمانى.

 

نەجم الدین عبدالـلە مامی رەوەز بۆ "ناس کورد" باسى لەوەکرد، رەوەز نزیکەی دە ڕۆژ بوو ئۆتۆمبێلی کڕیبوو، کوڕێکی خۆشەویستی ناو خەڵک بووە سەنعەتکار بووە.

 

وتیشى "ئەو بەرنامەی هاوسەرگیری هەبوو مانگێک پێش ئێستا هەوڵمان بۆدا بەقیسمەت نەبوو".

 

رەوەز ساڵى پار باوکى لەدەستدا کە یەکەم کەس بوو بە ڤایرۆسى کۆرۆنا لەتاسڵوجە کۆچى دوایی بکات.

 

عوسمان یونس هاوڕێی نزیکى رەوەز بە "ناس کورد" ى وت "رەوەز لەکاتێکدا لەکار گەڕاوەتەوە لەنێوان کەنەکەوەو تاسلوجە بە ئۆتۆمبێلەکەیەوە وەرگەڕاوە و گیانى لەدەستداوە".

 

باسى لەوەشکرد، رەوەز بەنیازی هاوسەرگیری بوو بەڵام قیسمەت و قەدەر ڕێگەی نەدا.