گه‌ڕان

Shadow Shadow
سیاسه‌تی

هۆکاری دواخستنی دادگایی بەدەل بەرواری و ئومێد بەروشکی ئاشکرا کرا

2021.09.15 - 09:50
App store icon Play store icon Play store icon
هۆکاری دواخستنی دادگایی بەدەل بەرواری و ئومێد بەروشکی ئاشکرا کرا

ناس کورد-

ئەمڕۆ جارێکی تر دادگاییکردنی بەدەل بەرواری و ئومێد بەروشکی لە هەولێر دواخرا، عەلی حەمەساڵحیشی دەڵێت دواخستنی تەنها بۆ ئەوەیە لە زینداندا بیانهێڵنەوە ئەگەرنا "بچوکترین بەڵگەیان نییە".

کەناڵی ناس کورد لە تێلیگرام جۆین بکە   

 

ئەمڕۆ چوارشەممە، 15ی ئەیلولی 2021، دادگای تاوانی دووی هەولێر بڕیاری دا بە دواخستنی دادگاییکردنی ئەو دوو چالاکوانەى بادینان دا بۆ مانگی داهاتوو، عەلی حەمەساڵح، ئەندامی پەرلەمانی کوردستانیش لە فەیسبوکی خۆی نوسیویەتی، هەردووکیان "بچوکترین بەڵگەیان لەسەر نییە، شاھیدەکانیش بێتاوانیان سەلماندن، بەڵام ساڵێکە لە زیندانی ئاسایشن بۆ ئەوەی ئازادنەکرێن دادگایی دوادەخرێت."

 

كەسوكاری ئەو دوو زیندانییە لە بەردەم دادگای هەولێر لە كۆنگرەیەكی ڕۆژنامەوانیدا ڕایانگەیاند، دەسەڵاتدارانی دهۆک بەبێ هیچ تۆمەتێک دەستگیریان کردوون و دواتر ڕەوانەی زیندانی هەولێر كراون، لەبری ئەوەی هەر لەوێ دادگایی بكرێن.

 

باسیان لەوەكرد كە هەر لەسەرەتای دەستگیركردنیانەوە تائێستا ناهێڵێن لە دهۆك پشتیوانی لە دەستگیركراوانی بادینان بكرێت، بەڵام لە سلێمانی و هەڵەبجە و گەرمیان  پشتیوانییەكی گەورە لە دەستگیركراوانی بادینان كراوە كە ئەوەش بۆ ئێمە جێگای سەربەرزییە.

 

مامۆستا بەدەل بەرواری و ئومێد بەرۆشکی ڕۆژی 11ی ئابی 2020 دەستگیرکراون و پێشتر دوو جار بەھۆی نەبوونی بەڵگەی پێویست دادگاییکردنیان دواخراوە.

 

رێكخراوی CPT بڵاویكردەوە كە شێروان شێروانی پەیوەندی تەلەفونی لەگەڵ تیمی کوردستانی عێراقی رێكخراوەكەیان ئەنجامدا و گوتی بەنزیکەیی تەواوی زیندانیانی بادینان کە ژمارەیان 81 زیندانییە، مانیان لە خواردن گرتووە و تەنانەت ھەندێکیان ئاویش ناخۆنەوە.  

 

بەگوێرەی ڕاگەیەنراوی رێكخراوەكە (14ی ئەیلولی 2021) كە "ناس كورد" بینیویەتی، شێروان شێروانی داوا دەکات کە خەڵک لەدەرەوەی زیندان بۆ پشتیوانی ئەو زیندانیانە چالاکی بنوێنن.  

  

هەروەها دەڵێت، "شێروان نیگەرانی ئەو ھاوڕێ زیندانیانەی بوو کە تاوەکو ئێستا دادگایی نەکراون و لە زیندانی ئاسایشدا ھێڵدراونەتەوە".   

  

ھەفتەی ڕابردوو، ھەریەکە لە شێروان شێروانی، ئەیاز کەرەم، ھاریوان عیسا و شڤان سەعید گواسترانەوە بۆ زیندانی چاکسازی گەوران.  

  

me_ga.php?id=4543