گه‌ڕان

Shadow Shadow
سیاسه‌تی

وردەکاریی

حکومەتى هەرێم ’’کێشەى’’ موچەى خانەنشینى جەبار فەرمانى دیاریکرد

2021.09.14 - 23:16
App store icon Play store icon Play store icon
حکومەتى هەرێم ’’کێشەى’’ موچەى خانەنشینى جەبار فەرمانى دیاریکرد

ناس کورد-

 

وەزیرێکى حکومەتى هەرێم رایگەیاند، کێشەى موچەى خانەنشینى جەبار فەرمان سەرکردەى کۆچکردوو لەیەکێتى کە بەپێی یاساى چاکسازیی موچەکەى راگیراوە ئەوە بووە کە پێشتر خانەنشین بووە و پێویستى بەوە نەبووە ئەو خزمەتەى هەیبووە بۆى هەژماربکرێت.

کەناڵی ناس کورد لە تێلیگرام جۆین بکە   

 

دارا رەشید وەزیرى پلاندانانى هەرێم لە چاوپێکەوتنێکدا لەگەڵ ئاژانسى ئەنادۆڵى تورکى لەبارەى بڕینى موچەى بەشێک لە پلە تایبەتەکان وتى "یەکێک لەوانە کە زۆرجار باسکراوە شەهیدی سەرکردە جەبار فەرمانە، کە بەگوێرەی یاسای پێشمەرگە هەرساڵێکی پێشمەرگایەتی پێش ٥/٣/١٩٩١ بە دوو ساڵ خزمەت بۆ حیسابە، زۆر خەڵکی تێکۆشەری دیکەی هاوشێوەشمان هەیە".

 

رونیشیکردەوە "کێشەکە لەوەدابوو کە پێشتر خانەنشین بووە و پێویستی بە خستنەسەری ئەو خزمەتە نەبووە کە لە یاسای چاکسازیی دیارییمان کردووە کە دەبێت تەمەنی خانەنشین ٤٥ ساڵ بێت و کەمترین خزمەتیش ١٥ ساڵ بێت".

 

"پێشتر ئەمە نەبووە، بۆ ئەمە لێکتێنەگەیشتنێک هەبوو، بەڕێوەبەرایەتی گشتیی خانەنشینی پێی وابوو کە دەبێت خستنەسەری خزمەت نەکرێت، ئێستا وەزارەتی دارایی و لیژنەی چاکسازیی ئاگادارینامەیەکیان بڵاوکردەوە کە هەرکەسێک خزمەتی فیعلی هەبێت هەقی خۆیەتی بیخاتە سەر ساڵەکانی خزمەتی".

 

دەربارەى ئەوەی هیچ جیاوازی حزبیی کراوە لەم بابەتەدا، دارا رەشید وتی "نەخێر، یاسای چاکسازیی زۆر روونە نە یەکێتی دەناسێت نە پارتی و نە خەڵکی دیکەش، روونە ئەوەی خزمەتی راستەقینەی نەبێت مافی ئەوەی نییە خانەنشین بێت".

 

لەبەشێکى دیکەى قسەکانیدا و لەبارەى دامەزراندنەوە، وەزیرى پلاندانان رایگەیاند،  "روون و راشکاوبم لەگەڵتان زۆر زەحمەتە لەم دۆخەدا کە ئێستا هەمانە، ئێستا بەزۆر توانیومانە مووچەی ئەو مووچەخۆرانە دابین بکەین کە هەیە".