گه‌ڕان

Shadow Shadow
سیاسه‌تی

’’فێڵێکی هێزە سیاسییەکان’’

ڕاپۆرتێك: كاندید هەیە پۆستەری بانگەشەی خۆی دەدڕێت

2021.09.14 - 18:55
App store icon Play store icon Play store icon
ڕاپۆرتێك: كاندید هەیە پۆستەری بانگەشەی خۆی دەدڕێت

ناس كورد-
ڕۆژنامەی شەرقولئەوسەتی چاپی لەندەن بڵاویكردەوە، بەهۆی بێزاری خەڵك لە هێزە سیاسییەكانی عێراق لەم هەڵبژاردنەی دوایی هەندێكیان پەنایان بۆ كاندیدكردنی خەڵك بەناوی كاندیدی سەربەخۆ بردووە و باوەرێكیش هەیە كە هەندێك كاندید خۆیان پۆستەری خۆیان دەدڕێنن.

کەناڵی ناس کورد لە تێلیگرام جۆین بکە   

 

ڕاپۆرتێكی ئەمڕۆی شەرقولئەوست (14ی ئەیلولی 2021) كە "ناس كورد" بینیویەتی باس لەوە دەكات، هەڵمەتەكانی هەڵبژاردن هێشتا سست و خاون چونكە لیست و هاوپەیمانییەكان نایانەوێ لەسەرەتاوە پارە خەرج بكەن و هەڵیان گرتووە بۆ هەفتەی كۆتایی كە سەرەتای مانگی داهاتوو دەكات.

 

یەكێك لە بەڕێوەبەرانی هەڵمەتەكانی هەڵبژاردن باس لەوە دەكات "كەڵكی نییە زوو پارە خەرج بكەیت لە هەڵمەت بۆ جەماوەرێك كە زاكیرەیان كورتە".

 

هەر بەگوێرەی ڕۆژنامەكە بەهۆی بێزاری خەڵك لە لیستە سیاسییەكان و دەم و چاوە دووبارەكانیان هەندێك لە حیزبەكان پەنایان بۆ كاندیدكردنی كەسانی سەربەخۆ بردووە وەك رێگایەك بۆ سەرنجڕاكێشانیان.

 

هەروەها ئەوەش دەخاتەڕوو لە ناوەڕاست و باشوری عێراق تیمی تایبەت هەن بۆ دڕاندنی پۆستەر و ریكلامی كاندیدەكان، ئەم كارە بەیاسا تاوانباركراوە و باسی ئەوەش دەكرێت هەندێكی بەهۆی كێبەركێی سیاسی و هەڵبژاردنە، هەندێكیش پێیانوایە چەند كاندیدێك خۆیان پۆستەری خۆیان دەدڕێنن بۆ ئەوەی ببنە جێگەی باس.