گه‌ڕان

Shadow Shadow
سیاسه‌تی

نوێ

ئەوەی ڤاکسین وەربگرێت توشی کۆرۆنا دەبێت؟.. سەباح هەورامی وەڵام دەداتەوە

2021.09.14 - 10:50
App store icon Play store icon Play store icon
ئەوەی ڤاکسین وەربگرێت توشی کۆرۆنا دەبێت؟.. سەباح هەورامی وەڵام دەداتەوە

ناس کورد- 

بەڕێوەبەری گشتیی تەندروستیی سلێمانی ڕایگەیاند، ئەوانەی کە ڤاکسینیان وەرگرتووە، توشی کۆرۆنا دەبن، بەڵام ڤایرۆسەکە کاریگەریی ئەوتوی لەسەریان نابێت و مەترسییەکەی کەمتر دەبێت.

کەناڵی ناس کورد لە تێلیگرام جۆین بکە   

 

د. سەباح هەورامی، بەڕێوەبەری گشتیی تەندروستیی سلێمانی (سێشەممە 14ی ئەیلولی 2021) لە کۆنفرانسێکی ڕۆژنامەوانیدا داوای لە هاووڵاتیان کرد خۆیان بە ڤایرۆسی کۆرۆنا بکوتن و ڕایگەیاند، "سەرەکیترین ڕێگای خۆپاراستن لە کۆرۆنا وەرگرتنی ڤاکسینە." 

 

وتیشی، "لێرە و لەوێ دەنگۆ هەیە کە ئەو کەسانەی ڤاکسینیش وەردەگرن توشی کۆرۆنا دەبن، بەدڵنیاییەوە ئەوە ڕاستە ئەوانی پێشتر توشی کۆرۆنا بوون و ڤاکسینیشیان وەرگرتووە هەر توش دەبن، بەڵام جیاوازییەکە ئەوەیە کە بەرگرییان بەهێزترە و مەترسی نابێت لەسەریان." 

 

ئەمڕۆ سێشەممە 14ی ئەیلولی 2021، بە بەشداری دەوروبەری دوو ملیۆن قوتابی و مامۆستا دەرگای قوتابخانەکان لە هەرێمی کوردستان کرانەوە.