گه‌ڕان

Shadow Shadow
سیاسه‌تی

بەڵگەنامە نهێنییەکان

دەرکەوتنى زەواهیرى بە جلوبەرگى سعودی گڕ لە سعودییەکان بەردەدات

2021.09.12 - 21:28
App store icon Play store icon Play store icon
دەرکەوتنى زەواهیرى بە جلوبەرگى سعودی گڕ لە سعودییەکان بەردەدات

ناس کورد-

 

دەرکەوتنى ئەیمەن زەواهیرى رابەرى رێکخراوى قاعیدە بە جلوبەرگى سعودییەوە لەساڵیادى هێرشەکانى 11 ى سێپتەمبەرو بڵاوکردنەوەى بەڵگەنامەکانى ئێف بی ئاى کاردانەوەى زۆرى لێکەوتووەتەوە.

کەناڵی ناس کورد لە تێلیگرام جۆین بکە   

 

زواهیرى لە گرتەیەکى ڤیدیۆیی نوێدا بە جلوبەرگ و عەمامەى سعودییەوە دەردەکەوێت، لەکاتێکدا پێشتر دەرکەوتنەکانى بە عەمامەى ڕەشەوە بوو، ئەوەش کاردانەوەى لەلاى هاوڵاتیانى سعودیە لە تۆڕە کۆمەڵایەتییەکان بەتایبەتى لە تویتەر دروستکردووە، ئەوەش بەپێی پێگەى "سی ئێن ئێن" ى ئەمریکى.

 

بەشێک لە کاردانەوەکان ئاماژە بەوەدەکەن زەواهیرى کە خاوەنى رەگەزنامەى میسرییە، لەئێران دەژى و دەرکەوتنەکەیان بەو شێوەیە بە "نمایشێکى هەزەلى" ناوبردووە.

 

دەرکەوتنى نوێی زەواهیرى هاوکات بوو لەگەڵ ساڵیادى هێرشەکانى  11 ى سێپتەمبەر و بڵاوکردنەوەى چەند بەڵگەنامەیەکى هەواڵگرى ئەمریکا لەبارەى ئەگەرى تێوەگلانى سعودیە لەو هێرشانە، بەڵام بەڵگەنامەکان ئاماژەیان نەکردووە بە تێوەگلانى ئەو وڵاتە.