گه‌ڕان

Shadow Shadow
سیاسه‌تی

زانیاریی زیاتر

ئێران داوایەکی بەپەلە لە کازمی دەکات ’’پەیوەندی بە هەرێمەوە هەیە’’

2021.09.12 - 18:51
App store icon Play store icon Play store icon
ئێران داوایەکی بەپەلە لە کازمی دەکات ’’پەیوەندی بە هەرێمەوە هەیە’’

ناس کورد-

لە میانەی سەردانەکەی کازمی بۆ ئێران، ئەو وڵاتە نیگەرانی خۆی لە بوونی حزبە کوردییەکانی ڕۆژهەڵات لە هەرێمی کوردستانی عێراق پێگەیاندووە و داوایکردووە، بەزووترین کات چەک بکرێن و لە عێراق بکرێنە دەرەوە.

کەناڵی ناس کورد لە تێلیگرام جۆین بکە   

 

لە میانەی سەردانەکەیدا بۆ ئێران، مستەفا کازمی، سەرۆک وەزیرانی عێراق لەگەڵ عەلی شەمخانی، سکرتێری گشتیی ئەنجومەنی باڵای ئاسایشی نەتەوەیی ئێران کۆبووەوە و تاووتوێی دوایین پێشهاتە سیاسی و ئەمنییەکانی ناوچەکەیان کرد.

 

بەگوێرەی میدیاکانی ئێران لە کۆبوونەوەکەدا، عەلی شەمخانی نیگەرانی ئێرانی لە بوونی حزبە کوردییەکانی ڕۆژهەڵاتی کوردستان لە خاکی عێراق (هەرێمی کورستان) گەیاندووەتە کازمی و بە تێکدانی ئەمنییەتی سنورەکانی نێوان هەردوو وڵات تۆمەتباری کردوون. 

 

هاوکات سکرتێری گشتیی ئەنجومەنی باڵای ئاسایشی نەتەوەیی ئێران داواشی لە کازمی کردووە، "بەخێرایی ئەو لایەنانە لە چەک دابماڵرێن و لە خاکی عێراق بکرێنەدەرەوە." 

 

ئەوەش لەکاتێکدایە، ماوەیەکە هەڕەشەکانی سوپای پاسداران بۆ حزبە کوردییەکانی ڕۆژهەڵات زیادیان کردووە و لە سێ ڕۆژی ڕابردووشدا بە بیانووی بوونی ئەو لایەنانە چەند جارێک سنورەکانی هەرێمی کوردستانی بۆردومان کردووە.