گه‌ڕان

Shadow Shadow
سیاسه‌تی

هاوپەیمانی نێودەوڵەتی وردەکاریی هێرشەکەى 11ی سێپتەمبەری هەولێر ئاشکرا دەکات

2021.09.12 - 10:33
App store icon Play store icon Play store icon
هاوپەیمانی نێودەوڵەتی وردەکاریی هێرشەکەى 11ی سێپتەمبەری هەولێر ئاشکرا دەکات

ناس کورد-

واین ماروتۆ، وتەبێژی هاوپەیمانی نێودەوڵەتی لە عێراق وردەکاری هێرشەکەی شەوی ڕابردووی سەر فڕۆکەخانەی هەولێری ئاشکرا کرد و دەڵێت، بە دوو فڕۆکەی بێفڕۆکەوان ئەنجام دراوە بەڵام هیچ زیانی نەبووە.

 

کەناڵی ناس کورد لە تێلیگرام جۆین بکە   

 

ماروتۆ لە تویتێکیدا (12ی ئەیلولی 2021) نوسیویەتی، "نزیکەی کاتژمێر 11:43 خولەکی شەوی ڕابردوو بە دوو فڕۆکەی بێفڕۆکەوانەوە هێرشکرایە سەر هێزەکانمان لە هەولێر، ئەوانیش ڕێکاری پاراستنی پێویستیان گرتەبەر و فڕۆکە بێفڕۆکەوانەکان خرانەخوارەوە".

 

ئاماژەی بەوەشکرد، "یەکێک لە فڕۆکە تێکشکێنراوەکان کەوتە ناو سنووری بنکەی هاوپەیمانیی نێودەوڵەتی و فڕۆکەکەی دیکەش کەوتە دەرەوەی سنوری بنکەکە، هێرشەکان هیچ زیانێکی گیانی و ماددییان لێنەکەوتووەتەوە".



واین مارۆتۆ ڕاشیگەیاند، هەر هێرشێک کە دەکرێتە سەر حکومەتی عێراق، هەرێمی کوردستان و هاوپەیمانان، دەسەڵاتی دامەزراوە عێراقییەکان، "سەروەریی یاسا و سەروەریی نیشتمانیی عێراق لەناودەبات".

هەروەها دەشڵێت، ئەو هێرشانە ژیانی خەڵکی سیڤیل، هێزە هاوبەشەکانمان لە سوپای عێراق، هێزەکانی پێشمەرگە و هاوپەیمانان دەخەنە مەترسییەوە.