گه‌ڕان

Shadow Shadow
سیاسه‌تی

بەپەلە

حدک هۆشداری هێرشی زەمینی ئێران بۆسەر هەرێم دەدات

2021.09.11 - 10:49
App store icon Play store icon Play store icon
حدک هۆشداری هێرشی زەمینی ئێران بۆسەر هەرێم دەدات

ناس کورد-

بۆ سێیەم ڕۆژ لەسەر ئێران بۆردومانی ناوچە سنورییەکانی هەرێمی کوردستانی کردەوە و حزبی دیموکراتی کوردستانیش هۆشداری لە هێرشی زەمینی ئێران بۆسەر هەرێم دەدات.

کەناڵی ناس کورد لە تێلیگرام جۆین بکە   

 

بەپێی زانیارییە سەرەتاییەکان، تۆپبارانەکانی ئەم بەیانییە (شەممە - 11ی ئەیلولی 2021) هیچ زیانێکی گیانی لێ نەکەوتووەتەوە بەڵام ترس و دڵەڕاوکێی لای خەڵکی ناوچەکە دروستکردووە.

 

هەروەها چەند خێزانێک ناوچەکەیان چۆڵ کردووە.

 

میدیای حزبی دیموکراتی کوردستان دەڵێت، هێڵی تەلەفۆن و تەنانەت ئینتێرنێتی شارە سنوورییەکانی ڕۆژهەڵاتی کوردستان وەکوو سەقز، پاوە، مەریوان، بانە، پیرانشار و شنۆ و هەروەها ئینتێرنێتی ماڵان لە سەردەشت دابڕاوە یان خێراییەکەی دابەزیوە.

 

دەشڵێت، سوپای پاسداران چەند گوردانێکی هێزی تایبەتی لەسەر سنووری شارەکانی شنۆ و پیرانشار بە تەواوی ئامێر و کەرەستەی شەڕ و چەکی قورس و نیوە قورس جێگیر کردووە کە پیشاندەری ئەگەری هێرش لە زەوییەوە لەلایەن هێزەکانی ڕێژیم بۆ سەر ناوچەی برادۆست لە هەرێمی کوردستانە.

 

 

هاوکات دوێنێ هەینی، 10ی ئەیلولی 2021، حزبی دیموکراتی کوردستانی ئێران ڕایگەیاند، فڕۆکەیەکی بێ فڕۆکەوانی ئێرانیان خستووەتەخوارەوە.

 

لەدوای هەڕەشەکانی سوپای پاسداران بۆ هێرشکردنەسەر و بۆردومانکردنی حزبە کوردییەکانی ڕۆژهەڵاتی کوردستان لە هەرێمی کوردستان، بۆ ڕۆژی سێیەم لەسەریەک ئێران بۆردومانی ناوچە سنورییەکانی لەگەڵ هەرێمی کوردستان کرد.

 

لە ڕاگەیەنراوێکدا حزبی دیموکراتی کوردستانی ئێران ڕایگەیاند، "لە هێرشەکاندا ئێران فڕۆکەی بێ فڕۆکەوانی خۆکوژی بەکارهێناوە."

 

ئاماژەی بەوەشکردووە، " یەکێک لە فڕۆکە بێ فڕۆکەوانەکان پێش لەوەی بگاتە ئامانجەکەی لەلایەن هێزی پێشمەرگەی کوردستانەوە تەقێندراوەتەوە و خراوەتەخوارەوە."

 

me_ga.php?id=4516