گه‌ڕان

Shadow Shadow
سیاسه‌تی

زانیاریی زیاتر

پاش 19 ساڵ دەركەوت كچێك بە هەڵە دراوەتەوە بە خێزانێك

2021.09.10 - 23:45
App store icon Play store icon Play store icon
پاش 19 ساڵ دەركەوت كچێك بە هەڵە دراوەتەوە بە خێزانێك

ناس کورد- 

كچێكی ئیسپانی پاش 19 ساڵ بۆی دەركەوت لەكاتی لەدایكبوون لە نەخۆشخانە بەهەڵە دراوەتە خێزانێك و ئەوەی لایان گەورەبووە دایك و باوكی نین.

کەناڵی ناس کورد لە تێلیگرام جۆین بکە   

 

راپۆرتێكی بی بی سی كە "ناس كورد" بینیویەتی (10ی ئەیلولی 2021) باس لەوە دەكات ڕووداوەكە لە نەخۆشخانەیەكی مناڵبوونی لۆگۆرۆنیۆ ڕوویداوە لە هەرێمی لاروخا لە ساڵی 2002، هۆكارەكەشی هەڵەیەكی مرۆیی بووە كە قورسە ئێستا پەرستاری بەرپرس ئاشكرا بكرێت. 

 

نەخۆشخانەكە دانیان ناوە بەهەڵەكەدا و پێشنیاری 215 هەزار یۆرۆ قەرەبوویان بۆ كچەكە كردووە بەڵام ئەو لە سكاڵایەكی یاساییدا داوای 3 ملیۆن دۆلار دەكات. 

 

هۆكاری ئاشكرابوونەكەش ئەوەبووە نەنكی كچەكە داوای خەرجی مناڵەكەی لەباوكە گریمانكراوەكەی كردووە كە كوڕی خۆیەتی و بەجێیهیشتووە، بۆ سەلماندنی ئەوەشی باوكیەتی دادگا پشكنینی دی ئێن ئەی بریاردابوو، بەڵام دواتر دەركەوتووە باوكی نییە، كاتێك پشكنین بۆ دایكەكەشی كراوە هەمان ئەنجام دەرچووە و لە ئێستادا پشكنین بەردەوامە بۆ دۆزینەوەی دایك و باوكی راستەقینەی كچەكە.