گه‌ڕان

Shadow Shadow
سیاسه‌تی

وردەکاریی

لە هەشت رۆژەوە بۆ کاتژمێرێک..دوو وەزارەتى هەرێم و بەغدا بەئەلیکترۆنى پێکەوە بەسترانەوە

2021.09.09 - 14:21
App store icon Play store icon Play store icon
لە هەشت رۆژەوە بۆ کاتژمێرێک..دوو وەزارەتى هەرێم و بەغدا بەئەلیکترۆنى پێکەوە بەسترانەوە

ناس کورد-

 

سیستەمی ئەلیكترۆنی نێوان وەزارەتی بازرگانی و پیشەسازی حكومەتی هەرێم و وەزارەتی بازرگانی عێراق كەوتەكار، بەوەش مامەڵەى نێوان هەردوو وەزارەتەکە لە هەشت رۆژەوە بۆ کاتژمێرێک کەمکرایەوە.

کەناڵی ناس کورد لە تێلیگرام جۆین بکە   

 

وەزارەتی بازرگانی و پیشەسازی هەرێم ئەمڕۆ پێنج شەممە لە راگەیەنراوێکدا رایگەیاند، لە رۆژی پێنچشەممە رێكەوتی 9-9-2021  سیستەمی ئەلیكترۆنی  خرایە كار و یەكەمین نووسراو لە نێوان وەزارەتی بازرگانی و پیشەسازی حكومەتی هەرێمی كوردستان و وەزارەتی بازرگانی عێراق لە رێگەی ئەلیكترۆنەوە نێردرا.

 

لاى خۆیەوە، بڵند مەحەمەد مەولود بەرێوەبەری گشتی تۆماركردنی كۆمپانیاكان وتى "لەمڕۆ بە دواوە لە رێگەی سیستەمی ئەلیكترۆنیەوە مامەڵە و كارەكان نێوان وەزارەتی بازرگانی و پیشەسازی هەرێمی كوردستان و وەزارەتی بازرگانی عێراق بە شێوەی ئەلیكترۆنی (ئۆڵاین) بەڕێوەدەچێت".

 

پرۆسەی بە ئەلیكترۆنی كردنی كارەكان لەلایەن نوێنەرانی هەرێم لە بەغداوە نێوان وەزارەتی بازرگانی و پیشەسازی حكومەتی هەرێمی كوردستان و تیمی تەكنیكی وەزارەتی بازرگانی عێراق سەرپەرشتی كراوە.

 

 سیستەمەكە لە دوای (6) مانگ تاقیكردنەوە و كاركردندا دواجار سیستەمەكە خرایەكار لە پێشوودا نووسراوێكی نێوان وەزارەتی بازرگانی وپیشەسازی و وەزارەتی بازرگانی عیِراق زیاتر لە هەفتەیەكی دەخایاند بە تێچووەوە، بەڵام ئێستا لە رێگەی ئەو سیستەمەوە كەمتر لە كاتژمێرێك  و بەبێ تێچوو كارەكان رایی دەكرێن، ئەوەش بەپێی راگەیەنراوەکە.