کەناڵی ناس کورد لە تێلیگرام جۆین بکە
ناس کورد- بڕێکی زۆر ماددەی هۆشبەر بەو شاندەی بەڕازیل گیرا، کە بۆ بەشداری لە کۆنگرەى کۆنگرەی G20 ڕوویان لە ژاپۆن کردبوو. . پۆلیسی ئیسپانیا 39 کیلۆگرام ماددەی هۆشبەریان لەناو یەکێک لەو فڕۆکانەی شاندی بەڕازیلدا گرتبوو، کە بەرەو ژاپـۆن بەڕێکەوتبوو، بۆ بەشداریکردن لە کۆنگرەی G20. . پۆلیس دەستبەجێ یەکێک لە پاسەوانەکانی سەرۆکی بەرازیلی دەستگیر کردووە، کە بەرپرسی پاراستنی سەلامەتی تیمەکە بووە و دواتر دانی بەوەدا ناوە ماددەکە ئەو هەڵیگرتووە. . پاسەوانەکە ناوی (مانۆێڵ سیلڤا ڕۆدرێگێز)ە، هەروەها بۆ چەند جارێک لەگەڵ سێ سەرۆکی بەڕازیلدا لەو گەشتانەدا بەشدار بووە وئەو بڕە ماددەى هۆشبەرەى کە لەجۆرى کۆکایـین بووە، کردویەتییە نێو 37 کیسی بچوکەوە. . لای خۆشییەوە، سەرۆکی بەڕازیل لە تویتێکدا ڕایگەیاندووە، دوورو نزیک ئەو کارە پەیوەندی بە شاندەکەیەوە نییە و ئەو کەسەش کە بەرپرسە لەو کارە، سزای خۆی وەردەگرێت کە بەو کارەی دەردەکەوێت پۆستەکەی بۆ ئەو کارە بەکارهێنابێت. .
