گه‌ڕان

Shadow Shadow
سیاسه‌تی

’’موشەکەکان ئامادەن’’

ڕۆژنامەیەکی ئێرانی: چالاکییەکانی مۆساد لە هەولێر زیادیان کردووە

2021.09.07 - 15:09
App store icon Play store icon Play store icon
ڕۆژنامەیەکی ئێرانی: چالاکییەکانی مۆساد لە هەولێر زیادیان کردووە

ناس کورد- 

لەدوای هەڕەشەکانی سوپای پاسداران بۆ هێرشکردنەسەر حزبەکانی ڕۆژهەڵات لە هەرێمی کوردستان، ڕۆژنامەی "وطن امروز"ی ئێرانی بڵاویکردووەتەوە، موشەکەکان ئامادەن، دەشڵێت، پێدەچیت هۆشدارییەکەی پاسداران کاردانەوەیەک بێت دژی فراوانبوونی چالاکییەکانی مۆسادی ئیسرائیلی بێت لە هەرێم.

کەناڵی ناس کورد لە تێلیگرام جۆین بکە   

 

دوێنێ دووشەممە 6ی ئەیلولی 2021، محەمەد پاکپور، فەرماندەی هێزی زەمینی سوپای پاسداران لە هۆشدارییەکدا ڕایگەیاند، کارهێنانی خاکی هەرێمی کوردستان لەلایەن حزبە کوردییەکانی ڕۆژهەڵاتی کوردستان بۆ دروستکردنی نائارامی لە ناوچە سنورییەکانی ئێران قبوڵنەکراوە و وەڵامیان دەبێت. 

 

لەدوای ئەو هۆشدارییە، ئەمڕۆ سێشەممە 7ی ئەیلولی 2021، ڕۆژنامەی "وطن امروز"ی ئێرانی بە مانشێتی گەورە بڵاویکردووەتەوە، "موشەکەکان ئامادەی هاویشتنن." 

 

هاوکات ڕۆژنامەکە پرسێکی دیکەی وروژاندووە و دەڵێت، "پێدەچێت دیوێکی دیکەی هۆشدارییەکەی سوپای پاسداران بەهۆی فرانبوونی چالاکییەکانی مۆسادی ئیسرائیلی بێت لە هەرێمی کوردستانی عێراق." 

 

ئەوەشی باس کردووەتەوە، "کە لە چەند مانگی ڕابردوودا لە هێرشێکدا بۆسەر گروپی مۆسادی ئیسرائیلی لە هەولێری پایتەختی هەرێمی کوردستان سێ ئەندامی ئەو گروپە کوژراون و حەوتی دیکەش برینداربوون." 

 

بەگوێرەی "وطن امروز" ئەو گروپەی مۆساد، ماوەی چەند مانگێکە لە هەولێرن و زانیاریی تەواویان لەبەردەستدایە لەسەر شوێن و چالاکییەکانیان. 

 

ئەو ڕۆژنامە ئێرانییە دەشڵێت، "هەرچەندە ئەوکات بەرپرسانی هەرێمی کوردستان ئەوەیان ڕەتکردەوە هیچ نوسینگەیەکی گروپی مۆسادی ئیسرائیلی لە هەرێمی کوردستان هەبێت، بەڵام دوای کەمتر لە سێ مانگ لەوە و لە کۆتایی مانگی تەموزی ڕابردوو هەواڵی هێرشێکی موشەکی بۆسەر بنکەیەکی مۆساد لە هەولێر بڵاوبووەوە."