گه‌ڕان

Shadow Shadow
سیاسه‌تی

دوو کەسایەتی سیاسی فڕۆکەیان هەیە

نرخی فڕۆکەی دوو بەرپرسی باڵای هەرێم ئاشکرا کرا

2021.09.05 - 13:16
App store icon Play store icon Play store icon
نرخی فڕۆکەی دوو بەرپرسی باڵای هەرێم ئاشکرا کرا

ناس کورد- 

عەلی حەمەساڵح، ئەندامی لیژنەی دارایی لە پەرلەمانی کوردستان ڕایگەیاند، دوو کەسایەتی لوتکەی دەسەڵات لە هەردوو زۆنەکە (زەرد و سەوز) فڕۆکەیان هەیە بۆ گەشتی تایبەت و نرخەکانیش ئاشکرادەکات.

کەناڵی ناس کورد لە تێلیگرام جۆین بکە   

 

عەلی حەمەساڵح لە نوسینەکەیدا کە لە فەیسبوکی خۆی (یەکشەممە 5ی ئەیلولی 2021) بڵاویکردووەتەوە دەڵێت، "ئەو فڕۆکانە یەکیان بایی 30 ملیۆن دۆلار و ئەوی دیکەیان بایی 21 ملیۆن دۆلارە، خەرجی ساڵانەشیان لانیکەم دوو ملیۆن دۆلارە." 

 

دەقی نوسینەکەی عەلی حەمەساڵح: 

 

فڕۆکەی تایبەتی بەرپرسانی کورد

دوو ڕۆژە بیر لەمە دەکەمەوەو تێناگەم!

 

من دەزانم ئەو پارەی لە قاچاخچێتی و زەوی و نەوت و گەندەڵیەکانی دیکە سەدان ھێندە زیاترە لە کڕینی دوو فڕۆکە یەک بە سی ملیۆن دۆلار و یەک بیست و یەک، بەڵام بێ ویژدانیەکە لە شوێنێکی دیکەیە..

 

ئەوەی من دەزانم دووان لوتکەی دەسەڵات لە ھەردوو زۆنەکە دوو فڕۆکەیان ھەیە بۆ گەشتی تایبەت(رەنگە ھی دیکەش ھەی بێت من زانیاریم نیە)!

 

کۆی خەرجی و تێچونی ساڵانە ئەگەر گەشتی کەمیش بکەن 2 ملیۆن دۆلارە!!

 

ئەوەی جێگای سەرنجە ئەمەیە..

 

ئەگەر ئەم دوو بەرپرسە لە ساڵێکدا سێ گەشت بکەن، فڕۆکەیەکی تایبەتیش بەکرێ بگرن نزیکەی(سێ سەد ھەزار دۆلار)  دەدەن بەکرێ!

 

واتە: جگە لە ملیۆنان دۆلاری کڕینی فڕۆکە، خەرجی ساڵێکیان نزیکەی حەوت ھێندەی ئەوەیە ئەگەر فڕۆکەیەک بەتایبەت بۆ گەشتکردن تەنیا بۆ خۆیان بەکرێ بگرن..

 

بزانن ئەمانە چەند بێ باکن بە پارەی میللەت. ئەمانە نەک لەگەڵ خەڵک ئامادەنین گەشت بکەن، ئامادەنین فڕۆکەیەکی تایبەتیش بگرن بەتەنیا گەشت بکەن! لایان ئاسایە لە ساڵێکدا یەکجار کاری پێبکەن و سی ملیۆن دۆلارێ پێبدەن و خەرجی ساڵێکیشی دوو ملیۆن دۆلار بێت..

 

ئەو پارەیەی ئەمانە بەفیڕۆی دەدەن، ھی ئەو منداڵە بێ باوکەیە کە دایکی پارەی نیە جلی خوێندنی بۆ بکڕێت..

 

لە دونیادا دەیان بازرگان ھەیە بە پارەی تایبەتی خۆیان و بۆ کاری خۆیان  فڕۆکەیان ھەیەو بەکاری دەھێنن سەرچاوەی دارایی دیارە.. ئەمە ڕێگا پێدراوە..

 

سەرۆکی وڵاتان و ئەوانەش پۆستی فەرمیان ھەیە بەھێڵی گشتی وڵاتەکەیان گەشت دەکەن، بەس ئەمانەی ئێمە کە پۆستی فەرمی حیزبی و حکومیان ھەبوو بە کام پارە كڕیان!!

 

تەنانەت گەشتبوە ئەوەی بۆ دوکان و مێرگەپانیش بە کۆپتەر بچن( بۆ سنوری ھەولێریش ھەمان شت ڕاستە)..

 

دروستکردنی ئەم جیاکاریەو ئەم بێویژدانیە ھی ئەوەیە نەفرەتی لێبکەیت نەک پشتیوانی بکەیت لە ھەڵبژاردن و ببیتە بەشێک لە ستەمکاری..

 

تێبینی: من دووانیان دەزانم فڕۆکەیان ھەبێت، بۆ ئەوانی دیکە یان براکانیان ھیچ زانیاری باوەڕ پێکراوم نیە، بەڵام دڵنیام توانای کڕینی چەندین فڕۆکەیان ھەیە!

 

عەلی حەمە ساڵح