گه‌ڕان

Shadow Shadow
سیاسه‌تی

ناوەڕۆکەکەى بزانە

بۆ یەکەمجار شاندێکی جەهەپە سەردانی هەرێمی کوردستانی کرد

2021.09.05 - 12:36
App store icon Play store icon Play store icon
بۆ یەکەمجار شاندێکی جەهەپە سەردانی هەرێمی کوردستانی کرد

ناس کورد-

بۆ یەکەمجار شاندێکی باڵای پارتی گەلی کۆماری تورکیا (جەهەپە) سەردانی هەرێمی کوردستانی کرد و لەگەڵ مەسرور بارزانی، سەرۆکى حکومەتی هەرێم کۆبوونەوە.

کەناڵی ناس کورد لە تێلیگرام جۆین بکە   

 

بەپێی ڕاگەیەنراوی فەرمی حکومەتی هەرێم، ئەمرۆ یەکشەممە، 5ی ئەیلولی 2021، مەسرور بارزانی، سەرۆکی حکومەتی هەرێمی کوردستان پێشوازی لە شاندێکی باڵای پارتی گەلی کۆماری تورکیا (جەهەپە) بە سەرۆکایەتی ئۆگوز کان سالیجی جێگری سەرۆکی پارتەکە کرد.


بەپێی ڕاگەیەنراوەکە، پەرەپێدانی پەیوەندییەکانی نێوان هەرێمی کوردستان و تورکیا تاووتوێ کرا.


دەشڵێت، "جێگری سەرۆکی پارتی گەلی کۆماری سڵاو و ڕێزی کەمال کلیچیدار ئۆغلۆی سەرۆکی پارتەکەی بە سەرۆکی حکومەت گەیاند و خۆشحاڵی خۆشی دەربڕی کە یەکەمجارە شاندێکی باڵای پارتی گەلی کۆماری سەردانی هەرێمی کوردستان دەکات، گوتیشی ئامانجمان لە سەردانەکە بەهێزکردنی پەیوەندییەکانی نێوان هەرێمی کوردستان و تورکیا و خستنەڕووی بۆچوونی پارتی گەلی کۆمارییە دەربارەی چەند بابەت و پرسێکی جێی بایەخی هاوبەش."


سەرۆکی حکومەت ئاماژەی بەوەدا کە "تورکیا دراوسێ و وڵاتێکی گرنگی ناوچەکە و جیهانە و هەرێمی کوردستان فاکتەرێکی سەقامگیرییە لە ناوچەدا و هەمیشە خوازیاری باشترین پەیوەندییە لە گەڵ تورکیا کە وڵاتێکی فرە نەتەوە و ئایین و پێکهاتەی جیاوازە، کە نیشانەی دەوڵەمەندی وڵاتەکەیە."

me_ga.php?id=4444me_ga.php?id=4445