گه‌ڕان

Shadow Shadow
سیاسه‌تی

کەشوهەوا

هۆشدارییەكی كەشناسی: هەفتەی داهاتوو بۆیلەرەكانتان ئامادە بكەن

2021.09.04 - 16:00
App store icon Play store icon Play store icon
هۆشدارییەكی كەشناسی: هەفتەی داهاتوو بۆیلەرەكانتان ئامادە بكەن

ناس کورد-

شیكارێكی كەشناسی پێشبینی دەكات لە هەفتەی داهاتووەوە سەرەتاكانی كەشی پایزە بگاتە عێراق و داوا دەكات لە ئێستاوە خەڵك چێكی بۆیلەرەكانیان بكەن بەتایبەت ئەوانەی حەزیان لە ئاوی سارد نییە بۆ خۆشتن.

کەناڵی ناس کورد لە تێلیگرام جۆین بکە   

 

محەمەد دوری، كەشناسی عێراق لە شیكارێكدا بۆ "طقس العراق" كە "ناس كورد" بینیویەتی (4ی ئەیلولی 2021) باس لەوەدەكات، كۆتاییهاتنی هاوین لە عێراق تەنها لەسەر چەند ڕۆژێك وەستاوە و لەوە بەدوا كەشی مامناوەند و فێنكی پایزە وڵات دەگرێتەوە.

دوری لە شیكاری نەخشەی كەشوهەوای كیشوەری جەمسەری باكوردا ئەوە دەخاتەڕوو كە هەوایەكی ساردی جەمسەری باكور بەرەو باشور جووڵاوە و تا رۆژئاوای ڕوسیا و ئۆكرانیا و باكوری توركیا و سیبریای ڕووسیا دەڕوات و سەرما دروست دەكات لە كاتێكدا هێشتا نیوەگۆی باكوری زەوی هەر لە وەرزی هاویندایە.

 

كەشناسەكە باسی ئەوەش دەكات، هەواری سارد و فێنك لە ئەوروپاوە دەگاتە عێراق لەپاش 10 ی ئەیلول، ئەمەش پلەكانی گەرما زیاتر دادەبەزێنێت و هیچ ئەگەرێكیش بۆ شەپۆلی گەرما لەم ماوەیەدا نەماوە، ئەمەش بەمانای دەستپێكردنی كەشی پایزەیە لە عێراق و دەڵێت "ئەوانەی حەزیان لە ئاوی سارد نییە بۆ خۆشتن با لەئیستاوە خەمی بۆیلەرەكانیان بخۆن".