گه‌ڕان

Shadow Shadow
سیاسه‌تی

بەپەلە

بافڵ تاڵەبانی: کۆبوونەوەکانمان لەگەڵ لاهور شێخ جەنگی هیچ ئەنجامی نەبووە

2021.09.03 - 21:15
App store icon Play store icon Play store icon
بافڵ تاڵەبانی: کۆبوونەوەکانمان لەگەڵ لاهور شێخ جەنگی هیچ ئەنجامی نەبووە

ناس کورد-

بافڵ تاڵەبانی، هاوسەرۆکی یەکێتیی نیشتمانیی کوردستان ڕایگەیاند، نیوە کادیری حزبیی یەکێتی بەهۆی دەزگای زانیارییەوە نەیانتوانیوە بە سیمکارتی ئاسیا قسە بکەن چونکە سیخوڕییان بەسەردا دەکرا. 

کەناڵی ناس کورد لە تێلیگرام جۆین بکە   

 

بافڵ تاڵەبانی لە چاوپێکەوتنێکیدا لەگەڵ چەند دەزگایەکی میدیایی دەڵێت، "ئەوەى لە 8ی تەموزدا ڕوویدا کودەتا نەبوو، بەڵکو هەڵوەشاندنەوەى کودەتا، چونکە لاهور شێخ جەنگی ئەو دەزگایانەی بەکارهێنا بۆ کاری شەخسی و کودەتا کردن، هیچ بەرپرسێکی تر وەک لاهور شێخ جەنگی ناوی دژە تیرۆر و دەزگای زانیاریی بەو شێوەیە بەکارنەهێناوە.

 

"بەش هەبووە لەناو دەزگای زانیاریی کە ئیشی لەسەر ئەخلاقی خەڵک کردووە، نامەی واتسئەپ نێردراوە بۆ سەرکردایەتییەکان کە چۆن دەنگ بدەن، دەزگای زانیاریی وەک بازرگانی لێهاتبوو بۆ بەهێزکردنی چەند کەسێک."

 

وتیشی، "من چاسوسم لەناو ئەم ماڵەی خۆمدا دۆزیوەتەوە، چاسوسی حزب و لایەنی تر نا، بەڵکو هی دەزگای زانیاریی."

 

جەختی کردەوە کە "بەڵێ من دەرمانخوارد کراوم، دانپێدانان و بەڵگەشم هەیە."

ئاماژەی بەوەشکرد، دۆخەکە زیاتر دەگۆڕێت و باشتر دەبێت، سلێمانی شاری ڕۆشنبیرییە، بەڵام یەک پیاوماقوڵ بەرگریی لە لاهور شێخ جەنگی نەکردووە.

 

لەبارەى چۆنیەتی ژەهرخواردنەکەى، "بەڵێ من دەرمانخواردن کراوم و بەڵگە و دانپێدانانم هەیە، من دەمەوێت ئەم شتانە بدرێتە بە دادگا، ئەو مادەیەی کە دراوە بە من دۆزراوەتەوە و خەڵکیش ئیعترافی کردووە لەسەری."  

 

وتیشی، "من داوام نەکردووە لاهور بچێتە دەرەوە، بەڵکو ئەوە داواکارییەکی حزبییە، ئیتر دەڕوات یان ناڕوات کەیفی خۆیەتی."

 

ئاشکراشیکرد کە "بەڵێ چەندین کۆبوونەوەی نهێنی و ئاشکرامان کردووە، بەڵام هیچ نزیکنەبووینەتەوە و هیچ ئەنجامی باشی نەبووە."

 

وتیشی، "بەڵێ ئێستا ئەو هاوسەرۆکە بەڵام بەبێ دەسەڵاتە".