گه‌ڕان

Shadow Shadow
سیاسه‌تی

بەڵگەنامە

یەکێتى فەرماندەیەکى سەربازى نزیک لە لاهور جەنگى ’’سزا دەدات’’

2021.09.01 - 14:38
App store icon Play store icon Play store icon
یەکێتى فەرماندەیەکى سەربازى نزیک لە لاهور جەنگى ’’سزا دەدات’’

ناس کورد-

فەرماندەیی هێزەکانى سکرتاریەتى یەکێتى بڕیاریدا بە گواستنەوەى فەرماندەیەکى نزیک لە لاهور جەنگى بۆ سەر فەرماندەیی بەرگرى و فریاکەوتن، خانەوادەکەشى بە "سزا" دایدەینێن.

کەناڵی ناس کورد لە تێلیگرام جۆین بکە   

 

بەپێی نوسراوێکى فەرماندەییەکە کە دەست "ناس کورد" کەوتووە، بڕیاردراوە بە گواستنەوەى راژەى رائید رێبوار عەلى شامار بەپاساوى ئەوەى سود لە راژەکەى نابینن.

لەسەر گواستنەوەى ئەو فەرماندەیە، خانەوادەی عەلی شامار لەرونکردنەوەیەکدا رایانگەیاند "رێبوار کە لەماوەی چەند ساڵی رابردوودا لە سەر لیوای سکرتاریەت لە دەباشان بەو پەری دڵسۆزییەوە لە ئەرکەکەیدا خزمەتی زۆری پێشکەش کردوە و خۆشیان شاهیدی بۆ دەدەن کە لە کات و ساتە هەستیارەکان چ ئەرکێکی قورسیان پێ سپاردوە".

 

ئاماژەیان بەوەشکردووە "بەڵام ئەمرۆ لەبەر ئەوەی پشتیوانی حەق دەکات  و خەمی یەکێتییەتی تا ئەم حزبە لەوە زیاتر بچووک نەکەنەوە و لە لێکترازان بیپارێزن، هاتوون سزای دەدەن و بە بێ خواستی خۆی و بە هیچ هۆکارێک فەرمانی گواستنەوەی بۆ دەردەکەن".