گه‌ڕان

Shadow Shadow
سیاسه‌تی

ناس زانیاریی نوێ لەبارەی دەستبەسەرداگرتنی ئۆتۆمبێلە بێ سەرەتاکان ئاشکرا دەکات

2021.08.31 - 11:41
App store icon Play store icon Play store icon
ناس زانیاریی نوێ لەبارەی دەستبەسەرداگرتنی ئۆتۆمبێلە بێ سەرەتاکان ئاشکرا دەکات

ناس کورد-

سەرۆکى ئەنجومەنى ئۆتۆمبێلە بێسەرەتاکان ڕایگەیاند، لە دواى سەردانیان بۆ نوسینگەى جێگرى سەرۆکى حکومەت هیچ ئۆتۆمبێلێکیان دەستى بەسەردا نەگیراوە، بەڵام تائێستا بە فەرمیی هیچ بڕیارێک لەوبارەیەوە دەرنەچووە. 

کەناڵی ناس کورد لە تێلیگرام جۆین بکە   

 

سوارە عومەر، سەرۆکى ئەنجومەنى ئۆتۆمبێلە بێسەرەتاکان (سێشەممە 31 ى ئابى2021) بە "ناس کورد"ى ڕایگەیاند، "پاش ئەوەى سەردانى فەرمانگەکانى سنورى سلێمانی و نوسینگەی جێگری سەرۆکی حکومەتمان کرد بەڵێنى چارەسەرى کێشەکەیان پێداین، لە دواى ئەو سەردانە سۆراغمان کردووە لە سنورى سلێمانى و دەڤەرى ڕاپەڕینیش هیچ ئۆتۆمبێلێکمان دەستى بەسەردا نەگیراوە".

 

ئەوەشى خستەڕوو، ئەوان لە هەموو ناوچەکانى هەرێم نوێنەریان هەیە، بەڵام بەداخەوە نەیانتوانیوە لە هەولێریش وەکو سنورى سلێمانى فشارى مەدەنى دروست بکەن.

 

هەر لە بەدواداچونەکانى ناس کورد بەو بابەتە، پەیوەندى کرد بە سامر ستار، بەرپرسى مەفرەزەکانى هاتوچۆى ناوشار و ڕایگەیاند، "تائێستا بڕیارێکى فەرمیمان بە دەست نەگەیشتووە کە ڕێگە بە هاتوچۆى ئۆتۆمبێلى بێسەرەتا بدرێت، بەڵام وەک مەفرەزەکانمان ناچین بۆ ئەو جۆرە ئۆتۆمبێلانە بگەڕێن لە گەراج و ماڵاندا، بەڵکو ئەگەر بکەونە مەفرەزەکانمانەوە دەستیان بەسەردا دەگرین.".