گه‌ڕان

Shadow Shadow
سیاسه‌تی

زانیاریی زیاتر

دەستلەكاركێشانەوەیەكی بەكۆمەڵ لە رایەڵەی مامۆستایانی گۆڕان لە دەربەندیخان

2021.08.31 - 11:24
App store icon Play store icon Play store icon
دەستلەكاركێشانەوەیەكی بەكۆمەڵ لە رایەڵەی مامۆستایانی گۆڕان لە دەربەندیخان

ناس کورد-

سەرۆکی پێشووی ڕایەڵەی مامۆستایانی گۆڕان ڕایگەیاند، دەستیان لە پلە هەڵگرتووە و هیچ جۆرە  پەیوەندییەکی ئۆرگانییان بە بزووتنەوەی گۆڕانەوە نەماوە.

کەناڵی ناس کورد لە تێلیگرام جۆین بکە   

 

دەقی ڕونکردنەوەکە:

 

سەر لەبەیانی ئەمڕۆ هەواڵی ئەوەم بیست کە دەنگۆی دەستلەکارکێشانەوەمان لە پلەی حزبی و دابڕانی پەیوەندی ئۆرگانیمان لە مەکۆی دەربەندیخان، دزەیکردووەتە ناو سۆشیالمیدیاوە، لێرەوە ئەمەوێ ئەوە بە ئاشکرایی ڕابگەیەنم  کە تەنیا پەیوەندی بە خودی خۆم و هاوڕێ و  بەشێ  لە ئەندامانی  ڕایەڵەی مامۆستایانەوە هەیە لە ناو ڕێکخستنی مەکۆدا، بەڵێ ئێمە دەستمان لە پلە هەڵگرتووە و هیچ جۆرە  پەیوەندییەکی ئۆرگانیشمان نەماوە،  تەنیا وەکو  ئەمەکێکیش لەم هەڵبژاردنەدا، دەنگدەری گۆڕان ئەبین، هۆکارەکانیشی هەرچی بن، ئەگەر خەباتمان لە بەرچاوگیرا و سەروو خۆمان لێیان  پرسین بۆچی واتان کرد، بە نوسراو و بە وردی ، خاڵ بە خاڵ ڕونکردنەوەی تریشیان دەدەینێ، ئەگەریش بێباکبون لەو هەواڵە و هیچ پەیجورییان نەکرد، سەرسوکترین.

 

ئەشمانەوێ ئەوەش ڕابگەیەنین، نە لە ئێستادا و نە لە هیچ کاتێکی ئایندەش دا ئێمە ناچینە هیچ حزب و بەرەیەکی ترەوە، چونکە ئێمە خوێندکار و ڕێبازگرانی ڕاستاڵ و ڕاستگۆی کاك نەوشیروانین، لەمەشدا ، هەروەکو خودی ڕەوانشاد  هەڵسوکەوتمان کردووە، هەستمان کردووە پڕەنسیپ ژێرپێنراوە و  بۆمان هەزم نەکراوە.

 

بابان بریزی

 

ڕێکخەری پێشوی ڕایەڵەی ناوبراو.