گه‌ڕان

Shadow Shadow
سیاسه‌تی

وردەکاریی

خنکانى منداڵێک لەبەرەبەیاندا لە دوکان؛ لەخەو هەستاو کەوتە ئاوەکەوە

2021.08.27 - 10:35
App store icon Play store icon Play store icon
خنکانى منداڵێک لەبەرەبەیاندا لە دوکان؛ لەخەو هەستاو کەوتە ئاوەکەوە

ناس کورد-

 

منداڵێکى دانیشتووى کەرکوک بەرەبەیانى ئەمڕۆ لە ئاوى دوکاندا خنکا و دواى کاتژمێر و نیوێک خێزانەکەى بەرووداوەکەیان زانى و تەرمەکەى دەرهێنرایەوە.

کەناڵی ناس کورد لە تێلیگرام جۆین بکە   

 

سامان نادر بەڕێوەبەرى سەنتەرى فریاگوزارى سلێمانى ئەمڕۆ هەینى بە "ناس کورد" ى راگەیاند، منداڵەکە کاتژمێر چوارى بەرەبەیان لەخەو هەستاوە و کەوتووەتە ناو ئاوەکەوە، لەکاتى مانەوەى خێزانەکەى لەدوکان.

 

ئەو خێزانە کە خەڵکى کەرکوکن بەمەبەستى گەشت چووبونە دوکان و شەو لەوێ ماونەتەوە، بەڵام منداڵەکەیان کە ناوى بەشدار ئومێدە و تەمەنى هەشت ساڵە لەناو ئاوەکەدا خنکا.

 

سامان نادر باسى لەوەکرد، خێزانەکەى دواى کاتژمێر و نیوێک زانیویانە کە منداڵەکەیان کەوتووەتە ئاوەکەوە، کە دواتر بەخنکاوى لەئاوەکەدا دەرهێنراوەتەوە.

 

تەرمى منداڵەکە لەدواى دەرهێنانەوەى رەوانەى پزیشکى دادى سلێمانى کراوە.