گه‌ڕان

Shadow Shadow
سیاسه‌تی

زیاتر بخوێنەوە

نرخی غاز و کارەبا بۆ نانەواخانە و سەمونخانەکان هەرزان دەکرێت

2021.08.25 - 23:31
App store icon Play store icon Play store icon
نرخی غاز و کارەبا بۆ نانەواخانە و سەمونخانەکان هەرزان دەکرێت

ناس کورد- 

سەرۆکی لیژنەی وزەو سامانەسروشتیەکان و پیشەسازی و بازرگانی ڕایگەیاند، بۆ ڕێگریکردن لە گرانبوونی نان و سەمون، پێشنیازیان کردووە غازی نانەواخانە و سەمونخانەکان بکرێتە پێنج هەزار و پێشنیازەکەش قبوڵ کراوە.

کەناڵی ناس کورد لە تێلیگرام جۆین بکە   

 

 

عەلی حەمە ساڵح لە ڕوونکردنەوەیەکدا (25ی ئابی 2021) دەڵێت، بۆ ڕێگریکردن لە گرانبوونی نرخی نان و سەمون  کە ماوەی زیاتر لە 10 ساڵە لەم نرخە جێگیرەدایە، لیژنەی وزەو سامانەسروشتیەکان و پیشەسازی و بازرگانی چەند ڕێگاچارەو پێشنیارێکی ئاراستەی حکومەت و لایە پەیوەندیدارەکان کرد بۆ ڕێگیرکردن لە گرانبونی نرخی نان و سەمون.

 

1- یەکێک لە گازندەکانی نانەواخانەکان گرانبوونی نرخی غازی بازرگانییە، وەک سەرۆکی لیژنە قسەم لەگەڵ کۆمپانیای ساوس کوردستان کرد، پێشنیارمان کرد بەشێوەیەکی تایبەت نرخی بتڵێک غاز بۆ سەرجەم نانەواخانەکانی کوردستان بکرێتە پێنج ھەزار دینار لەم سەری مانگەوە جێبەجێبکرێت، بە سوپاسەوە پێشنیارەکەمان قبوڵکرا، لەگەڵ ئیدارە خۆجێیەکان و میکانیزمی گونجاوی بۆ دەگیرێتەبەر.. کارگەیەکی غاز تایبەت بکرێت بۆ دابینکردنی غاز بۆ نانەواکان.


2- کرێی کارەبا لەسەر نانەواخانەو سەمونخانەکان بەشێوەیەکی بەرچاو زیادیکردوەو وەک نرخی کارگە گەورەکانەو نرخی یەک یەکەی کارەبا 157 دینارە، پێشنیارمان کردوە کەم بکرێتەوەو وەک ماڵان مامەڵەی لەگەڵ بکرێت..

3- گومرگی تەنێک ئارد بوە بە 32 دۆلار، پێشنیارمانکردوە یان گومرگ لەسەر ئارد لاببرێت یان بەشێوەیەکی بەرچاو کەمبکرێتەوە.


عەلی حەمە ساڵح جەختی کردووەتەوە کە "پاش گفتوگۆش لەگەڵ لایەنی پەیوەندیدار، بڕیارە ھەفتەی ئایندە لایەنە پەیوەندیدارەکانی حکومەت کۆببنەوەو بڕیاری پێویستی لێبدەن".