گه‌ڕان

Shadow Shadow
سیاسه‌تی

سێ ژنە سەرکردایەتی یەکێتی لەبارەى ئیمزای دەرکردنی لاهور شێخ جەنگی هاتنەدەنگ

2021.08.25 - 17:23
App store icon Play store icon Play store icon
سێ ژنە سەرکردایەتی یەکێتی لەبارەى ئیمزای دەرکردنی لاهور شێخ جەنگی هاتنەدەنگ

ناس کورد-

هەرسێ ژنە ئەندامی ئەنجومەنی سەرکردایەتی یەکێتی، ئاڵا تاڵەبانی، ژینۆ محەمەد و فێنک ئەحمەد دژی کۆکردنەوەى ئیمزا بۆ دەرکردنی لاهور شێخ جەنگی، هاوسەرۆکی یەکێتی لە کوردستان هاتنە دەنگ و دەڵێـ، ئەوە نادەستورییە و ناوبراو "بە کۆنگرە هاتووە و بە کۆنگرەش دەڕوات."

کەناڵی ناس کورد لە تێلیگرام جۆین بکە   

 

پێشتریش چرا عومەر سابیر کە ئەویش ئەندامی سەرکردایەتییە ڕوونکردنەوەى هاوشێوەی هەبوو، ئەو چوار ژنە سەرکردایەتییە دەڵێن، کۆنگرە لاهوری شێخ جەنگی گەیاندووەتە ئەو پێگەیە و "هەر کۆنگرە و دەنگی شەرعی کادرانی یەکێتی ئەتوانن بڕیار لە چارەنووسی حزبی لاهور شێخ جەنگی بدات".

 

دەقی ڕوونکردنەوەی ئاڵا تاڵەبانی

هەر هەڤاڵێکی مەکتەبی سیاسی و سەرکردایەتی کە ئیمزایانکردووە بۆ بە زۆر رۆشتنی هاوسەرک لاهور شێخ جەنگی، دەبێت بزانن کە ئەو ئیمزایە دژ بە چەند مادەیەکی دەستورە (یاساناسەکان ئەمە باشتر دەزانن)و دەتوانرێت لێپرسینەوەی یاساییان لەگەڵ بکرێت، هەر بۆ زانیاریتان، لەوانە:
مادەی ١٥:
(لكل فرد الحق في الحياة والامن والحرية ولا يجوز الحرمان من هذه الحقوق او تقييدها الا وفق القانون وبناءا على قرار صادر من جهة قضائية مختصة ).
(هەموو تاکێک مافی ژیان و ئاسایش و ئازادی هەیە، نابێت بێبەش بکرێت لەو مافانە، یا وابەستە بکرێت، تەنیا کە قانونێک هەبێت کە لە لایەنی دادوەری تایبەت دەرچوو بێت).
مادەی ٢٤ برگەی ٢:
(لا يجوز نفي العراقي او ابعاده او حرمانه من العودة الى الوطن).
(نابێت هیچ عراقیەک دەربکرێت یان دوور بخرێتەوە یان بێبەش بکرێت لە گەرانەوەی بۆ ووڵاتەکەی خۆی).
ئەوەی جێگەی سەرنجە، لە کاتێکدا هاوسەرۆک لاهور شێخ جەنگی لەسەر سکاڵایەک چۆتە بەردەم دادوەری بەرێز و بە کەفالەت لە دادگا ئازادکراوە، لە ئێوە دەپرسم چۆن دەبێت کەسێک وڵات بەجێبهێڵێت کە هێشتا دۆسیەکەی لە دادگا یەکلایی نەکرابێتەوە؟
ئەمەش ئەوە دەگەیەنێت کە هەموو ئەو تۆمەتانەی خراونەتە پاڵ هاوسەرۆک لاهور شێخ جەنگی بێ بەڵگەبوون و هیچ بنەمایەکیان نیەو دوورن لە راستیەوە و هەڵبەسترابوون، بەڵکو تەنیا فشار خستنە سەرهاوسەرۆک لاهور شێج جەنگی بوو کە برواتە دەرەوەی وڵات.
ئاڵا تاڵەبانی
ئەندامی ئەنجوومەنی سەرکردایەتی یەکێتیی

 

دەقی ڕوونکردنەوەى ژینۆ محەمەد

لاهوری شێخ جەنگی بەر لەوەی هاوسەرۆك بێت هاوڵاتیەکی کوردە لە چوارچێوەی دەوڵەتی عێراق دا و دەستوری عێراق مافی ژیان و مانەوەی پێ داوە لەسەر ئەم خاکە بۆیە ناچار کردنی بە زۆر تاوانە بە پێ ی دەستور ، لەبارەی حزبیشەوە کۆنگرە لاهوری شێخ جەنگی گەیاندووەتە ئەو پێگەیە و هەر کۆنگرە و دەنگی شەرعی کادرانی یەکێتی ئەتوانن بڕیار لە چارەنووسی حزبی لاهور شێخ جەنگی بدات , بۆیە هەرگیز ڕێگا بە خۆمان نادەین ئیمزا لە دژی هەڤاڵی هاوسەرۆك و دەنگی شەرعی و یەکەمی کۆنگرە بکەین بۆ وازهێنان یان چوونە دەرەوە لە وڵات.
ژینۆ محمد
ئەندامی ئەنجومەنی سەرکردایەتی

 

ئەوە لەکاتێکدا ئەمڕۆ لاهور شێخ جەنگی هاوسەرۆکی یەکێتیی ئەندامانى سەرکردایەتى یەکێتى ئاگادارکردەوە کە هیچ ڕێککەوتنێک نەکراوە لە نێوان هاوسەرۆکانی یەکێتیی، بۆ ئەوەی بۆ ماوەیەکی کاتی بچێتە دەرەوەی وڵات.  

  

نووسینگەی رۆژنامەوانی هاوسەرۆک لاهور شێخ جەنگی لەرونکردنەوەیەکدا رایگەیاند، لاهور شێخ جەنگی ئاگادارکراوەتەوە کە ئەمڕۆ چوارشەممە، 25ی ئابی 2021، چەند ئەندامێکی سەرکردایەتی بانگهێشتکراون بۆ دەباشان و پێیان ڕاگەیاندوون کە گوایە ڕێککەوتنێک کراوە لە نێوان بەڕێزان هاوسەرۆکانی یەکێتیی، بۆ ئەوەی بەڕێز لاهور شێخ جەنگی بۆ ماوەیەکی کاتی بچێتە دەرەوەی وڵات.  

دەقی ڕوونکردنەوەى فێنک ئەحمەد
بەرنامەو پەروەردەی جەنابی مام جەلال بوئێمە بەو شێوەیە بوو هەرگیز خیانەت لە هاوڕێ و هەڤاڵەکانمان نەکەین ئێمە پەروەردەی ئەوین هەرگیز ئیمزا لەدژ هاوسەروکمان ناکەین ئەو شەرعیەتی کونگرەی هەیە بە کونگرە هاتوە بە کونگرە دەروات.
فێنک ئەحمەد
ئەندامی ئەنجومەنی سەرکردایەتی