ناس کورد-
عەبدوڵا حاجى مەحمود وەزیرى شەهیدانى حکومەتى هەرێم رایگەیاند، ئێستا لە پۆلى ١٢یەکى وێژەییە و ئەو هەواڵانەى لەبارەیەوە بڵاوکراونەتەوە کە گوایە لە تاقیکردنەوەکان کەوتووە دورە لە راستى یەوە.
کەناڵی ناس کورد لە تێلیگرام جۆین بکە
عەبدوڵا حاجى مەحمود لەرونکردنەوەیەکدا کە دەست "ناس کورد" کەوتووە ئاماژەى بەوەکردووە، "لە ڕابردوودا بەهۆی خەباتی پێشمەرگایەتیم نەمتوانیوە قۆناغەکانی خوێندن لەکاتی خۆیدا تەواو بکەم، لەئێستادا وەک هەر خوێندکارێکی کوردستان درێژەم بە خوێندن داوە و لە قۆناغی ۱۲ی وێژەییم".
دەقى رونکردنەوەکە:
سەرەتا پیرۆزبایی لە گشت دەرچوانی قۆناغی ۱۲ ی ئامادەیی دەکەم و هیوادارم سەرکەوتووبن لە گشت قۆناغەکانی خوێندندا.
لە ڕابردوودا بەهۆی خەباتی پێشمەرگایەتیم نەمتوانیوە قۆناغەکانی خوێندن لەکاتی خۆیدا تەواو بکەم، لەئێستادا وەک هەر خوێندکارێکی کوردستان درێژەم بە خوێندن داوە و لە قۆناغی ۱۲ی وێژەییم.
سەبارەت بەو هەواڵانەی لە چەند پەیج و ماڵپەرێک بڵاوکراونەتەوە لەسەر قۆناغ و بەشی خوێندن و نمرەکانم دورن لە راستییەوە.
لێرەشەوە هانی هەمووان دەدەم لە هەر تەمەنێکدان گرنگی بەخوێندن و برەو بە تواناکانیان بدەن.
ئومێدی سەرکەوتن بۆ هەمووان دەخوازم.
