گه‌ڕان

Shadow Shadow
سیاسه‌تی

بەپەلە

پارتی لەسەر جوڵاندنی هێز بۆسەر لاهور شێخ جەنگی هاتەدەنگ

2021.08.23 - 16:37
App store icon Play store icon Play store icon
پارتی لەسەر جوڵاندنی هێز بۆسەر لاهور شێخ جەنگی هاتەدەنگ

ناس کورد- 

وتەبێژی ئەنجومەنی سەرکردایەتیی پارتی لە سلێمانی ڕەتیدەکاتەوە جوڵاندنی هێز بۆ نزیک ماڵی لاهور شێخ جەنگی لەسەر داوای مەسعود بارزانی بێت و دەڵێت، بەهیچ شێوەیەک لەگەڵ شەڕ و ئاژاوە و جوڵاندنی هێزدا نین. 

کەناڵی ناس کورد لە تێلیگرام جۆین بکە   

 

لە شەوی ڕابردووەوە هێزێکی زۆری ئەمنی چواردەوری ناوچەی نیشتەجێبوونی لاهور شێخ جەنگی، هاوسەرۆکى یەکێتییان داوە لە گەڕەکی سەرچناری شاری سلێمانی و تائێستاش هیچ ڕوونکردنەوەیەک لەوبارەیەوە نەدراوە. 

 

لە کەسایەتی و سۆشیاڵ میدیاکانی نزیک لە لاهور شێخ جەنگی  دەنگۆیەک بڵاوکراوەتەوە کە گوایە جولاندنی هێز بۆ نزیک ماڵی لاهور شێخ جەنگی لەسەر داوای مەسعود بارزانی، سەرۆکی پارتی بووە و لە چەند ڕۆژی ڕآبردوودا لە کۆبوونەوەیەکدا لەگەڵ بافڵ تاڵەبانی و قوباد تاڵەبانی ئەو پەیامەی پێداون. 

 

لەوبارەیەوە فارس نەوڕۆڵی، وتەبێژی ئەنجومەنی سەرکردایەتی پارتی لە سلێمانی (دووشەممە 23ی ئابی 2021) بە "ناس کورد"ی ڕاگەیاند، "لە سەرەتای کێشەکانی نێوان هاوسەرۆکانی یەکێتییەوە ئەوەمان ڕاگەیاندووە کە وەک پارتی هیچ پەیوەندییەکمان بەو کێشانەوە نییە و دەستوەردانی تێدا ناکەین." 

 

وتیشی، "وەک پارتی نەک داوای ئەوەمان نەکردووە، بەڵکو بەهیچ شێوەیەک لەگەڵ جوڵاندنی هێز و شەڕ و ئاژاوە نین." 

 

ئەو بەرپرسەی پارتی لە سلێمانی جەختیشیکردەوە، "ئەو دەنگۆیانەی بلاودەکرێنەوە سەرجەمیان دوورن لە ڕاستییەوە و زۆرینەی لە پەیجە سێبەرەکانەوە بەمەبەست بڵاودەکرێنەوە و هیچ پەیوەندیمان پێیانەوە نییە." 

 

زیاتر بخوێنەرەوە: پەیامنێری ناس کورد لە دەوروبەری ماڵی لاهور شێخ جەنگی چی بینی؟

 

 

پەیامنێری "ناس کورد" کاتژمێری 2:00ی نیوەڕۆی ئەمڕۆ دووشەممە (23ی ئابی 2021) سەردانی ناوچەکەى کرد، ئەو وتی هێزێکی زۆری ئەمنی کە لە هێزە ڕەشەکە، هێزەکانی ئاسایش و پۆلیس لە سەرجەم کۆڵان و شەقامەکانی نزیک لە ماڵی لاهور شێخ جەنگی جێگیرکراون.  

  

وتیشی، هێزەکە چەندین بازگەیان داناوە، پرسیار لەو کەس و ئۆتۆمبێلانە دەکەن کە بەوێدا تێپەڕ دەبن، ئەگەر دڵنیا نەبن کە دانیشتووی گەڕەکەکەیت، پێت دەڵێن "لە شوێنێکی ترەوە بڕۆ".  

  

پەیامنێری ناس کورد وتیشی، ئەو هێزە ڕێگە نادەن هیچ کەسێک بەرەو لای ماڵی لاهور شێخ جەنگی بڕوات، هەروەها ڕێگە بە ڕۆژنامەنوسانیش نادرێت.