گه‌ڕان

Shadow Shadow
سیاسه‌تی

ئەنجامی شکستی گفتوگۆکان

پەیامنێری ناس کورد لە دەوروبەری ماڵی لاهور شێخ جەنگی چی بینی؟!

2021.08.23 - 14:34
App store icon Play store icon Play store icon
پەیامنێری ناس کورد لە دەوروبەری ماڵی لاهور شێخ جەنگی چی بینی؟!

ناس کورد-

لە شەوی ڕابردووەوە هێزێکی زۆری ئەمنی چواردەوری ناوچەی نیشتەجێبوونی لاهور شێخ جەنگی، هاوسەرۆکى یەکێتییان داوە لە گەڕەکی سەرچناری شاری سلێمانی، پەیامنێری "ناس کورد"یش کە سەردانی شوێنەکەى کردووە و زانیاریی ئاشکرا دەکات.

کەناڵی ناس کورد لە تێلیگرام جۆین بکە   

 

پەیامنێری "ناس کورد" کاتژمێری 2:00ی نیوەڕۆی ئەمڕۆ دووشەممە (23ی ئابی 2021) سەردانی ناوچەکەى کرد، ئەو وتی هێزێکی زۆری ئەمنی کە لە هێزە ڕەشەکە، هێزەکانی ئاسایش و پۆلیس لە سەرجەم کۆڵان و شەقامەکانی نزیک لە ماڵی لاهور شێخ جەنگی جێگیرکراون.

 

وتیشی، هێزەکە چەندین بازگەیان داناوە، پرسیار لەو کەس و ئۆتۆمبێلانە دەکەن کە بەوێدا تێپەڕ دەبن، ئەگەر دڵنیا نەبن کە دانیشتووی گەڕەکەکەیت، پێت دەڵێن "لە شوێنێکی ترەوە بڕۆ".

 

پەیامنێری ناس کورد وتیشی، ئەو هێزە ڕێگە نادەن هیچ کەسێک بەرەو لای ماڵی لاهور شێخ جەنگی بڕوات، هەروەها ڕێگە بە ڕۆژنامەنوسانیش نادرێت.

شکستی گفتوگۆکان

بەگوێرەی زانیارییەكانی "ناس كورد" لە دوا كۆبوونەوەی قوباد تاڵەبانی و لاهور شێخ جەنگی بە نێوانگیری بەرهەم ساڵح لە هاوینەهەواری مێرگەپان، هیچ لایەكیان بەمەرج و داواكاری ئەویتر ڕازی نەبوون بۆ هەڵپەساردنی ناكۆكییەكان و بەشداریكردن لە هەڵمەتی هەڵبژاردن. هەر ئەو زانیارییانە كە لە سەرچاوەی جیاجیاوە دەست كەوتوون باس لەوە دەكەن لاهور شێخ جەنگی داوایكردووە ئیعتیباری بۆ بگێڕنەوە بۆ ئەوەی بەشداریی لە هەڵمەتی هەڵبژاردن بكات بەڵام قوباد تاڵەبانی بەنوێنەرایەتی ماڵی مام جەلال ئەوەی ڕەتكردووەتەوە و بەبێ لێكگەیشتن دیدارەكە كۆتاییهاتووە.

 

سەرچاوەكانی نزیك لە دەباشان بۆ "ناس كورد"یان ڕوونكردەوە سكاڵا یاساییەكان و بەدواداچوون و لێكۆڵینەوە حزبییەكان لەسەر دۆسییە كراوەكانی لاهور شێخ جەنگی و براكانی و كەسە نزیكەكانی هەر وەك خۆیان درێژەیان دەبێت و لەو سكاڵایەشی بە كەفالەت ئازادكراوە تا ڕۆژی دادگاییكردنە و داخستن و ئیفراجكردن نەبووە.