گه‌ڕان

Shadow Shadow
سیاسه‌تی

زانیاریی زیاتر

تورکیا و پاکستان کارێکی سینەمایی لەسەر سەلاحەدین بەرهەمدەهێنن

2021.08.21 - 18:46
App store icon Play store icon Play store icon
تورکیا و پاکستان کارێکی سینەمایی لەسەر سەلاحەدین بەرهەمدەهێنن

 

ناس کورد- 

دوو کۆمپانیای سینەمایی تورکی و پاکستانی زنجیرە درامەیەکی مێژویی لەسەر سەلاحەدینی ئەیوبی بەرهەم دەهێنن کە سێ بەشە.

 

کەناڵی ناس کورد لە تێلیگرام جۆین بکە   

 

دەیلی سەباحی تورکی لە راپۆرتێکدا کە (ناس کورد) بینیویەتی بڵاویکردەوە (21ی ئابی 2021) کۆمپانیاکان ئاکلی تورکی و انصاری شاهی پاکستانین کە تایبەتن بە بەرهەمهێنانی زنجیرە دراما و کاری هونەریی و پاش دوو ڕۆژ لە دانوستان لە بەلگرادی سربیا گەیشتوونەتە ڕێککەوتن لەبارەی وردەکارییەکان.

 

بە گوێرەی ڕێککەوتنەکە دراماکە سێ بەشە و لە تورکیا وێنەی دەگرن و ئەکتەری پاکستانی و تورکی بەشداری تێدا دەکەن و هەردوولا باسیان لە وەکردووە کارێک بێت شایستەی ئەم پاڵەوانە مێژووییە بێت.

 

سەلاحەدینی ئەیوبی (الملك الناصر) لە هۆزی ڕەوادی كوردی ئازەربایجانە و یەكێكە لە پاڵەوانە ئیسلامییە مێژوییەكانی چاخی ناوەڕاست كە لە ساڵی 583 ك/ 1187 ز سەركردایەتی بەرەیەكی بەرفراوانی كرد بۆ ڕزگاركردنی شاری قودس لەدەستی خاچپەرستان. هەروەها دامەزرێنەری دەوڵەتی ئەیوبییە كە سنوری قەڵەمڕەوییەكەی لە میسر و شام و كەناراوەكانی دەریای ناوەڕاستەوە تا یەمەن و حیجاز پەلی هاویشتووە.