گه‌ڕان

Shadow Shadow
سیاسه‌تی

چاودێریی بازرگانی چارەسەرێکی گرانبوونی نان ئاشکرا دەکات

2021.08.21 - 12:03
App store icon Play store icon Play store icon
چاودێریی بازرگانی چارەسەرێکی گرانبوونی نان ئاشکرا دەکات

ناس کورد-

ئەمڕۆ نرخی نان لە سلێمانی و چەند شوێنێکی تر گران بوو، بەڕێوەبەری چاودێری بازرگانیی سلێمانیش بەسەر نانەواخانەکاندا گەڕا بۆ سزادانی ئەو نانەواخانانەی کە نانیان گران کردووە، هاوکات چارەسەرێکیش بۆ گرانبوونی ئارد ئاشکرا دەکات.

کەناڵی ناس کورد لە تێلیگرام جۆین بکە   

 

سۆران عەبدورلغەفور، بەڕێوەبەری چاودێری بازرگانیی سلێمانی لە پەخشی ڕاستەوخۆی "ناس کورد" ئاشکرای کرد، بەشێکی زۆری نانەواخانەکان نانیان گران نەکردووە، ئەوانەشی گرانیان کردووە پسوڵەی سەرپێچییان بۆ کراوە.

 

نانەواخانەکان دەڵێن بەهۆی گرانبوونی ئارد و غازەوە ناچار دەبن نان گران بکەن. 

 

سۆران عەبدولغەفور دەڵێت، "ئێمە دوو کۆمپانیامان هەیە لە هەولێر و سلێمانی، ئەگەر لە ماوەی نزیکدا ئەو ئاردە بخەنە بازاڕەوە کە بەرهەمیان هێناوە ئەوە کاریگەری باشی دەبێت بۆسەر دابەزاندنی نرخی ئارد و نانەواخانەکانیش دەتوانن وەک پێشتر بەردەوام بن."

 

وتیشی، "ئاردی ئەو دوو کۆمپانیایە بازرگانییە و گەنمەکەى لە دەرەوە هاوردەکراوە و دەکرێت بە ئاردی سفر، دڵنیام نرخەکەشی لە ئاردی تورکی هەرزانتر دەبێت."