گه‌ڕان

Shadow Shadow
سیاسه‌تی

زانیاریی زیاتر

لەبارەی بڕی موچەی توێژێک ڕوونکردنەوە دەدرێت

2021.08.19 - 21:40
App store icon Play store icon Play store icon
لەبارەی بڕی موچەی توێژێک ڕوونکردنەوە دەدرێت

ناس کورد- 

ئەندامێکی لیژنەی پەروەردە و فێرکردن لە پەرلەمانی کوردستان ڕایگەیاند، ئەو مامۆستا وانەبێژانەی لە مانگی 2 تا مانگی 6 وانەیان وتووە یەک دیناریان بۆ خەرج نەکراوە و هەندێک مامۆستا تەنها 18 هەزار دینار وەردەگرن. 

کەناڵی ناس کورد لە تێلیگرام جۆین بکە   

 

هەلز ئەحمەد، ئەندامی لیژنەی پەروەردە و فێرکردن لە پەرلەمانی کوردستان (پێنجشەممە 19ی ئابی 2021) بە "دەنگی ئەمەریکا"ی ڕایگەیاند، "دامەزراندنی مامۆستایانی وانەبێژ هیچ بارگرانیەکی دارایی ناخاتە سەر حکومەت بەڵکو 18%ی میلاکی وەزارەتی پەروەردە لە مامۆستایانی وانەبێژ پێکهاتووە".

 

ئاماژەی بەوەشکردووە،"جێگای داخە کە بڕیارێک درابوو هەندێک پارە بە مامۆستایان بدرێت بۆ دبلۆم 250 هەزار دينار و بۆ بەکالۆریوس 300 هەزار دينار، بەڵام تا مانگی یەک دابەشکرا، ئەو مامۆستایانەی لە مانگی 2 تا مانگی 6 وانەیان وتووە یەک دەرهەمیان بۆ خەرج نەکراوە بەپێی بەدواداچوونەکانمان هەندێک مامۆستا تەنها 18 هەزار دینار وەردەگرن."

 

ئەوەشی خستووەتەڕوو، "پێشبینی دەکەین لە ساڵی نوێدا حکومەت هزرێک بۆ ئەو وانەبێژانە بکات و ئەگەر کێشەی مامۆستایانی وانەبێژ چارەسەر نەکرێت ئەوا پەنا بۆ هەندێک رێکاری یاسایی دەبەن".

 

باسی لەوەشکرد، "بەپێی یاسای چاکسازی نزیکەی 200 هەزار بندیوار و فرەمووچە و خانەنشینی نایاسایی هەن ئەگەر بە تەنها ئەمانە لە لیستی مووچە دەربێنن بێگومان تا 20 هەزار وانەبێژ لە جێگای ئەوانە دابنرێت و بە فعلی خزمەت بکەن ئەوا هیچ کاریگەرییەکی نابێت."