گه‌ڕان

Shadow Shadow
سیاسه‌تی

بەپەلە

لەسەر ئەو گرتە ڤیدیۆیەی تۆڕەکۆمەڵایەتییەکانی تەنیوە پۆلیسی سلێمانی ڕوونکردنەوە دەدات

2021.08.19 - 18:32
App store icon Play store icon Play store icon
لەسەر ئەو گرتە ڤیدیۆیەی تۆڕەکۆمەڵایەتییەکانی تەنیوە پۆلیسی سلێمانی ڕوونکردنەوە دەدات

ناس کورد- 

 

بەڕێوەبەرایەتی پۆلیسی سلێمانی ئەو کەسەی دەستگیرکرد کە لە یانەیەکی شەوانەدا لە کەسێک دەدات و دەڵێت، ڕووداوەکە مانگی 12ی سالی ڕابردوو ڕوویداوە.

کەناڵی ناس کورد لە تێلیگرام جۆین بکە   

 

 

دەقی ڕاگەیەنراوەکە: 

تۆمەتبارێك دەستگیركرا

مەفرەزەكانی بەشی پۆلیسی ناوشار ڕۆژئاوا -بنكەی پۆلیسی سەرچنار تۆمەتبارێكیان دەستگیركرد كە لە ناو یانەیەكی شەوانەدا لە گەڕەكی سەرچنار هێرشیكردبووە سەر هاوڵاتییەك .

 

دوای ئەوەی لە تۆڕە كۆمەڵایەتییەكان گرتە ڤیدیۆیەك لەناو یانەیەكی شەوانە بڵاوبۆوە كە كەمێژووەكەی دەگەڕێتەوە بۆ مانگی 12ی ساڵی 2020 كە وا تۆمەتبارێك هێرش دەكاتە سەرهاوڵاتییەك ، بەڕێز بەڕێوەبەری پۆلیسی پارێزگای سلێمانی بەشی پۆلیسی ناوشار-ڕۆژئاوای ڕاسپارد كە هەستن بە دۆزینەوەی تۆمەتبارو هاوڵاتییەكەی كە هێرشیكراوەتە سەری .

 

دوای لێكۆڵینەوەكان توانرا هاوڵاتییەكە بدۆزرێتەوەو سكاڵا تۆمار بكات و لەماوەیەكی  كەمیشدا و لەلایەن بنكەی پۆلیسی سەرچنارەوە تۆمەتبار دەستگیركرا .

 

لەئێستادا تۆمەتبار (م ، ف ، ع )لەدایكبووی 1993 بەناسنامە ئێرانی \ دانیشتوی شاری سلێمانی ، بەبڕیاری بەڕێز دادوەر بەندە .

 

بەڕێوەبەرایەتی پۆلیسی پارێزگای سلێمانی - ڕاگەیاندن و پەیوەندییەكان