گه‌ڕان

Shadow Shadow
سیاسه‌تی

بزانە ڤیدیۆکان چی بوون

بەوێنە؛ لەسەر بڵاوکردنەوەی هەندێک ڤیدیۆ لە سلێمانی کەسێک دەستگیر کرا

2021.08.19 - 16:18
App store icon Play store icon Play store icon
بەوێنە؛ لەسەر بڵاوکردنەوەی هەندێک ڤیدیۆ  لە سلێمانی کەسێک دەستگیر کرا

ناس کورد- 

لەسەر پەیوەندیکردن بۆ دامەزراوە حکومییەکان و بەکارهێنانی بەکارهێنانی ووشە و دەستەواژەی نەشیاو و پاشان وێنەگرتنی و بڵاوکردنەوەیان لە سۆشیاڵ میدیا بەمەبەستی خۆ دەرخستن و کۆکردنەوەی ڵایک و کۆمێنت کەسێک دەستگیرکرا.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا (سەنتەری ڕاوێژکاری خێزانی - هێڵی گەرمی ١١٩) ڕایگەیاند، "لەماوەکانی ڕابردوودا کۆمەڵێک گەنج لەژێر کاریگەری ئەلکهول و تۆڕەکۆمەڵایەتییەکان بەمەبەستی چێژێکی کاتی  و کۆکردنەوەی لایک و کۆمێنت و ڤیو، هەستان بە تەلەفۆنکردن بۆ کۆمەڵێک لە دامەزراوە فەرمییەکان و  بەکارهێنانی ووشە و دەستەواژەی نەشیاو پاشان تەسویرکردنی تەلەفۆنەکانیان و بڵاوکردنەوەیان لە سۆشیاڵ میدیا بەمەبەستی خۆ دەرخستن." 

 

ئاماژەی بەوەشکردووە ، "لەوانە تەلەفۆنکردن بۆ ژمارە (١١٥)ی ئاگرکوژاندنەوە لە نیوەشەودا و پێدانی هەواڵی درۆ و تەلەفۆن کردن بۆ (١٠٤) فریاکەوتن و (١١٩) ی بەڕێوبەرایەتیمان و بەکارهێنانی جنێو و کۆمەڵێک دەستەواژەی ناشیرین بە کارمەندانی ئێشکگرتنی (سەنتەری ڕاوێژکاری خێزانی)." 

 

ئەوەشی خستووەتەڕوو، "بۆیە لە کارێکی هاوبەشدا لە نێوان  (نوسینگەی بەکرەجۆ)ی سەر بە بەڕێوبەرایەتیمان و  (نوسینگەی نەهێشتنی تاوان - ڕزگاری) توانرا یەکێک لەو تۆمەتبارانە بەناوی (ش، ع ، ع)  دەستگیر بکرێت و لە ئێستادا بەفەرمانی بەڕێز دادوەری لێکۆڵینەوەی توندوتیژی خێزانی ڕاگیراوە ." 

 

لە ڕاگەیەنراوەکەدا ئەوەش هاتووە، "داوا لە هاووڵاتیانی خۆشەویست دەکەین کە هێڵی گەرمی دەزگا فەرمیەکانی دامەزراوەکان ٢٤ کاتژمێر لە ئێشکگری و ئەرکدان تا تۆی هاووڵاتی لە هەر ڕوداوێکی ئاگرکەوتنەوە و شەڕ و توندوتیژی خێزانی بپارێزن، بۆیە رابواردن و کۆکردنەوەی لایک و کۆمێنت هەم خۆت دەکاتە تۆمەتبار و ڕوبەڕوی یاسات دەکاتەوە، هەم ماندوو بونی ئەو کەسانە بەفیڕۆ دەدەیت."