گه‌ڕان

Shadow Shadow
سیاسه‌تی

وردەکاریی

سەدر دوو مەرجی هەیە بۆ بەشداریكردن لە هەڵبژاردن

2021.08.18 - 10:57
App store icon Play store icon Play store icon
سەدر دوو مەرجی هەیە بۆ بەشداریكردن لە هەڵبژاردن

ناس کورد-

چەند سەرچاوەیەكی ئاگاداری عێراقی بە ڕۆژنامەی شەرقولئەوسەتی چاپی لەندەنیان ڕاگەیاندووە موقتەدا سەدر ئامادەیی گەڕانەوەی هەیە بۆ پرۆسەی هەڵبژاردن بەڵام پاش بەدیهاتنی دوو مەرجی سەرەكی. 

کەناڵی ناس کورد لە تێلیگرام جۆین بکە   

 

سەرچاوەكان ئەوەشیان وتووە (18ی ئابی 2021) كە سەدر مەرجی ئەوەیە هەڵبژاردن دوابخرێت بۆ كاتێكیتر بۆ ئەوەی ڕەوتەكەی بتوانێت باشتر خۆی بۆ ئامادە بكات، هەروەها سیستانی گەورە مەرجەعی شیعە لە ڕێگەی فەتوایەكەوە چەكی بەرەڵا حەرام و سەركۆنە بكات، چونكە پێیوایە ڕكابەرەكانی لە ڕێگەی هێزەوە ئەنجامی هەڵبژاردن لەبەرژەوەندی خۆیان ئاراستە دەكەن. 

 

ئەم دزەكردنانە بەدوای ئەوەدا دێت كە چەند ڕۆژی ڕابردوو موقتەدا سەدر بەشداری پرسەی عاشورای كرد لە ماڵی سیستانی لە تەنیشت مەزاری ئیمام عەلی لە شاری نەجەف.

 

ناوەڕاستی تەمموزی ڕابردوو موقتەدا سەدر بایكۆتی هەڵبژاردنی پێشوەختەی عێراقی ڕاگەیاند و بەدوای ئەویشدا شیوعی و ڕەوتەكەی عەلاوی و هەندێك وردە هێزیتر كە دەوروبەری 26 قەوارە و هێزن بەهۆكاری جیاجیا بایكۆتی پرۆسەكەیان ڕاگەیاند كە بەشی زۆری پەیوەستە بە مسۆگەرنەكردنی پاكوبێگەردی، ئەمەش گومانی دروستكردوە لەسەر بەرێوەچوونی هەڵبژاردن لە وادەی دیاریكراوی خۆیدا.