گه‌ڕان

Shadow Shadow
سیاسه‌تی

زانیاریی زیاتر

ڕوونكردنەوەیەك لەو مامۆستایەی مەڕی بۆ سەركەوتنی تاڵیبان سەربڕی

2021.08.17 - 09:44
App store icon Play store icon Play store icon
ڕوونكردنەوەیەك لەو مامۆستایەی مەڕی بۆ سەركەوتنی تاڵیبان سەربڕی

ناس کورد- 

ئەو مامۆستایەی قەزای شارەزوور كە مەڕێكی سەربڕی بەبۆنەی سەركەوتنی "موسوڵمانانی ئەفغان بەسەر ئەمەریكا" رەتیدەكاتەوە ئەندامی یەكگرتووی ئیسلامی بێت و بەرگری لە كارەكەشی دەكات.

کەناڵی ناس کورد لە تێلیگرام جۆین بکە   

 

م. یوسف ئەحمەد كە سەرپەرشتیاری پەروەردەییە لە قەزای شارەزوور، لە ڕوونكردنەوەیەكدا كە "ناس كورد" بینیویەتی (17ی ئابی 2021) جەخت دەكاتەوە ئەندامی یەكگرتووی ئیسلامی نییە و دەشڵێت "ئەوەی من کردوومە بە پارەی خۆم کردوومە و هی دزی و تاڵانی ... نییە".

 

م. یوسف دەشڵێت "ئەو کارە کۆمەڵێ کەس سودی لێ بینیوە، نەتی ئێن تیە، نەتەقینەوەیە، نە خیانەت و پەلکێشکردنی دوژمنە". هەروەها دەڵێت "شانازی ئەكەم ئەگەر یەكگرتوو بوایەم".

 

دوێنێ (16ی ئابی 2021) م. یوسف ئەحمەد، بە ناس نیوزی ڕاگەیاند "وەک میللەتێکى چەوساوە دڵمان خۆشە هەر میللەتێکى زوڵملێکراو ئازاد بێت و لەدەست داگیرکاریی رزگارى بێت". 

 

وتیشى "ئەو مەڕەى کردومە بەخێر بەناوى رزگاربوونى ئەفغانستان لەدەست داگیرکاریی لەلایەن هێزێکى نیشتیمانى وەکو تاڵیبانەوە دەیبەخشمەوە بەسەر خەڵکیدا". 

 

م. یوسف لە دوا هەڵبژاردنى پەرلەمانى کوردستاندا لەسەر لیستى ئیسڵاحى بزوتنەوە و یەکگرتوو کاندید بووە، بەڵام دەنگی پێویستی نەهێناوە و دوێنێ بەبۆنەی سەركەوتنی تالیبانەوە لە ئەفغانستان لە گرتەیەكی ڤیدیۆییدا مەڕێكی "كردە خێر" ئەمەش مشتومڕی زۆری بەدوای خۆیدا هێنا لە تۆڕە كۆمەڵایەتییەكان. 

 

ناس نیوز ئەوەشی زانیوە پاش سەربڕینی مەڕەكە لە گۆشتەكەی خوانێكی سازكردووە بۆ ژمارەیەك كەس كە بەتایبەت بۆ ئەو بۆنەیە بانگهێشتی كردوون.