گه‌ڕان

Shadow Shadow
سیاسه‌تی

’’رزگارکردنى موسڵمانان’’

بزوتنەوەى ئیسلامى لەسەر ئاستى باڵا پەیوەندى بە تاڵیبانەوە دەکات

2021.08.15 - 19:57
App store icon Play store icon Play store icon
بزوتنەوەى ئیسلامى لەسەر ئاستى باڵا پەیوەندى بە تاڵیبانەوە دەکات

ناس کورد-

 

ئەندامێکى مەکتەبی سیاسی بزوتنەوەى ئیسلامى رایگەیاند، پەیوەندى بە سەرکردەیەکى دیارى تاڵیبانەوە کردووە و پیرۆزبایی لێکردوون بەبۆنەى کۆنترۆڵکردنى ئەفغانستان و "رزگارکردنى موسڵمانانەوە".

کەناڵی ناس کورد لە تێلیگرام جۆین بکە   

 

ئیحسان عەلى عەبدولعەزیز لە پۆستێکدا لەسەر لاپەڕەى خۆى لە فەیسبوک کە "ناس کورد" بینیویەتى رایگەیاند، "ئەمڕۆ ئێوارە بەرواری 15 / 8 / 2021  لە پەیوەندیەکی تەلەفۆنیدا قسەم کرد لەگەڵ ذبیح الله مجاهد سەرکردەی دیاری بزوتنەوەی تاڵیبان و پیرۆزبای سەرکەوتن  و ڕزگارکردنی ئەفغانستانمان لێکردن و دڵخۆشی و پەرۆشی  برایان و خوشکان و سەرکردایەتی بزوتنەوەکەمان پێگەیاند  دوعا و نزای خێرمان بۆکردن".

 

دەشڵێت "ذبیح الله مجاهد  زۆر سوپاسی ئەم پەیوەندیە و پەرۆشیەی لێکردین و دوعا و هیوای سەرکەوتن و سەرفرازی بۆکردین و لە پەیوەندیەکەدا فەرمووی چەند سەرکردەیەک لەتەنیشتمەوەن ڕێز و خۆشەویستی زۆریان بۆ مسوڵمانانی کوردستان و تەواوی سەرکردە و ئەندامانی بزوتنەوەی ئیسلامی هەیە".

 

دواى کەمێک لە دانانى ئەو راگەیەنراوە لە پەڕەى فەرمى خۆى، ئیحسان عەبدولعەزیز پۆستەکەى سڕییەوە.