گه‌ڕان

Shadow Shadow
سیاسه‌تی

زانیاریی زیاتر

لە وەزارەتی داراییەوە بۆ فەرمانبەران

2021.08.15 - 16:10
App store icon Play store icon Play store icon
لە وەزارەتی داراییەوە بۆ فەرمانبەران

ناس کورد- 

وەزارەتی دارایی و ئابوریی هەرێمی كوردستان، ڕێنماییەکی تایبەت بە فەرمانبەران دەرکرد کە تایبەتە بە تەمەنی خانەنشینی و بەڕێوەبەری گشتیی خانەنشینیش دەڵێت، هەر فەرمانبەرێک تەمەنی خانەنشینیی هاتبێت و خۆی خانەنشین نەکردبێت ئەو پارەیەی کە وەریدەگرێت نایاساییە. 

کەناڵی ناس کورد لە تێلیگرام جۆین بکە   

 

بەگوێرەی نوسراوێکی وەزارەتی دارایی و ئابوریی هەرێم کە (29ی تەموزی 2021) دەرچووە، تێیدا ئاماژە بە چۆنیەتیی چەسپاندنی تەمەنی فەرمانبەران بۆ بواری خانەنشینبوون كراوە و دەڵێت، "چەسپاندنی تەمەنی ڕاستیی فەرمانبەر، یان خانەنشینكراو لەسەر ئەو بەڵگەیە دەبێت كە پێی دادەمەزرێت، یان تەمەنی دەچەسپێت و كار ناكرێت بە هیچ راستكردنەوەیەكی داد، یان كارگێڕی كە لە پاشان دەردەچێت".

 

ئاماژە بەوەشکراوە، "پاڵپشت بە لیژنەی پێداچوونەوە بە رێنوێنییە داراییەكان و پاڵپشت بە نوسراوی دیوانی چاودێری دارایی ئەو رێنوێنییە دەركراوە." 

 

No description available.

 

لەوبارەوە حازم گۆران، بەڕێوەبەری گشتیی خانەنشینی هەرێمی کوردستان، بە میدیاکانی پارتیی ڕاگەیاندووە، "كاتێك فەرمانبەرێك دادەمەزرێت لەگەڵ بەڵگەكانی دامەزراندن چەسپاندنی تەمەنی بۆ دەكرێت، ئەو تەمەنەی كە چەسپێندراوە كە رۆژ و مانگ و ساڵ دەگرێتەوە، بەپێی ئەوە بۆ خانەنشینییەكەی مامەڵەی لەگەڵدا دەكرێت و دواتر هیچ دەستكارییەک قبووڵ ناكرێت".

 

ئاماژەی بەوەشکردووە، " ئەمساڵ ئەوانەی خانەنشین دەبن، لەدایكبووانی ساڵی 1958ـن و ئەگەر كارمەندێك 63 ساڵی خۆی تەواو بكات، دەبێت مامەڵەی خانەنشینیی بۆ بكرێت، بە پێچەوانەوە هەر پارەیەكی زیادە وەربگرێت بە نایاسایی ئەژمار دەكرێت".



بەپێی ئاماری بەڕێوەبەرایەتیی گشتیی خانەنشین، ساڵانە لە هەرێمی كوردستان نزیكەی 5 هەزار كەس خانەنشین دەكرێن.