گه‌ڕان

Shadow Shadow
سیاسه‌تی

زانیاریی زیاتر

تویژینەوەیەكی نوێ: كەمكردنەوەی زۆری خوێ ئەگەری مردن و جەڵتە زیاتر دەكات

2021.08.13 - 14:05
App store icon Play store icon Play store icon
تویژینەوەیەكی نوێ: كەمكردنەوەی زۆری خوێ ئەگەری مردن و جەڵتە زیاتر دەكات

ناس کورد-

سەرباری ئەوەی ڕێكخراوی تەندروستیی جیهانی هۆشداری دەدات لە بەكارهێنانی خوێ بەو پێیەی هۆكاری گوشاری خوێن و نەخۆشییەكانی دڵ و دەماخە، بەڵام توێژینەوەیەكی كەنەدی پێچەوانەی ئەمەی سەلماندووە و دەڵێت، "سوێری بەكەڵكە لە خواردندا".

کەناڵی ناس کورد لە تێلیگرام جۆین بکە   

 

بەگوێرەی ڕاپۆرتێكی "دی فیلت"ی ئەڵمانی كە "ناس كورد" بینیویەتی (13ی ئابی 2021) چەند توێژەرێكی كەنەدی گەیشتوونەتە ئەو ئەنجامەی زۆری بەكارهێنانی خوێ زیانی لەوە كەمترە پێشتر باسكراوە. ئەوانەشی سیستمێكی خواردنی بێخوێ پەیڕەو دەكەن زیاتر ئەگەری مردنی پێشوەختەیان هەیە بەگوێرەی توێژینەوە كەنەدییەكە.


ئەم توێژینەوەیە كە ئەندرۆ مینتی سەرۆكایەتی كردووە لە زانكۆی ماكماستەری كەنەدا و لە گۆڤاری بەناوبانگی پزیشكی "زە لانیست" بڵاوكراوەتەوە، خواردنی 12 گرام خوێ لە یەك ڕۆژدا هیچ زیانی نییە لەكاتێكدا پێشتر پێنج گرام دیاری كراوە.

 

توێژینەوەكە لەسەر 94 كەس تاقیكراوەتەوە لە 18 دەوڵەت و لە تەمەنی جیاجیا بۆ ماوەی هەشت ساڵ، هیچ لە توێژەرەكانیش لێكەوتەی خراپی خوێیان نەدیوە لەسەر بەكارهێنەران لەچەشنی جەڵتە.


بەگوێرەی دەرەنجامەكانی توێژینەوەكە كەمكردنەوەی كلۆریدی سۆدیۆم تەندروست نییە، بگرە مەترسی جەڵتەش زیاد دەكات و ئەگەری مردن زیاتر دەكات "بۆیە خواردنی خوێ بە شێوەی هاوسەنگ بەسوودە".