گه‌ڕان

Shadow Shadow
سیاسه‌تی

وەزارەتی پێشمەرگە: چەند تەنکەرێکی سەربازییمان ناردووەتە هەولێر

2021.08.13 - 13:49
App store icon Play store icon Play store icon
وەزارەتی پێشمەرگە: چەند تەنکەرێکی سەربازییمان ناردووەتە هەولێر

ناس کورد-

وەزارەتی پێشمەرگە ڕایگەیاند، لەڕێگای چەند تانکەرێکی ئاوی سەربازییەوە هاوکاری ئەو گەڕەکانەی هەولێر کراوە کە توشی کەمئاویی بوونەتەوە.

کەناڵی ناس کورد لە تێلیگرام جۆین بکە   

 

وەزارەتەکە لە ڕوونکردنەوەیەکدا دەڵێت، "ماوەیەکە چەند گەڕەکێکی شاری هەولێر ڕووبەڕووی کێشەی کەم ئاوی بوونەتەوە، بۆ ئەم مەبەستە، وەک هەستکردن بە بەرپرسیارێتی هێزەکانی پێشمەرگە لەڕێگەی چەند تەنکەرێکی ئاوی سەربازیەوە هاوکاری ئەو گەڕەکانە دەکەن، کە توشی کێشەی کەمئاویی بوون."


هۆشمند ڕەشید، جێگری سەرۆکی ئەرکانی وەزارەتی پێشمەرگە ڕایگەیاند، "لەسەر داوای پارێزگاری هەولێر ئۆمێد خۆشناو و بەپشت بەستن بە پرەنسیپە سەربازییەکان و وەک کاری هەمیشەیی و لەمێژینەی پێشمەرگە، هەمیشە لەکاتی جەنگ، کارەساتی مرۆیی، لافاو هاوکاری خەڵکی سڤیل بووە و دەبێ، لەو روانگەوە لە دوێنێوە، وەک وەزارەتی پێشمەرگە ژمارەیەک تانکەری سەربازیمان خستۆتە خزمەت ئەو گەڕەکانەی، کە رووبەڕووی کێشەی کەم ئاوی بوونەتەوە لەشاری هەولێر."

 

بەڵێنیشی داوە "تا ئەوکاتەی ئەو گەرەکانە پێویستییان پێمان دەبێت بەردەوام دەبین لە هاوکاریکردنیان تا کێشەکەیان چارەسەر دەبێت."