گه‌ڕان

Shadow Shadow
سیاسه‌تی

وێنەو زانیاری

چیرۆكێكی خەمناك؛ باوكێكی كرێچی 15 كەسی بەهەژاری بەجێهێشت

2021.08.13 - 09:08
App store icon Play store icon Play store icon
چیرۆكێكی خەمناك؛ باوكێكی كرێچی 15 كەسی بەهەژاری بەجێهێشت

ناس کورد-

پیاوێكی تەمەن 42 ساڵان كە 10 منداڵ و سێ نەوە و دوو بوك بەخێو دەكات لەگەڵ خێزانەكەیدا لە بەغدا بە گولەی شەڕی خزمان كوژران و ئێستا هیشام زەهەبی خاوەنی ماڵی عێراقی لەهەوڵی لەئەستۆگرتنی منداڵە بێ سەرپەرشتەكاندایە.

کەناڵی ناس کورد لە تێلیگرام جۆین بکە   

 

هیشام كە بە "باوكی بێ سەرپەرشتان" ناسراوە لە عێراق و خانەیەكی بەهاوكاری خێرخوازان و كەرتی تایبەت دروستكردووە بۆیان، لە بڵاوكراوەیەكدا كە "ناس كورد" بینیویەتی (13ی ئابی 2021) دەڵێت، پیاوێك لەدایكبوونی 1979یە، حەوت كچ و سێ كوڕی هەبووە، لە خانووەیەكی زیادەڕۆدا دەژین بەكرێ، شۆفێری بارهەڵگرە، ژنی بۆ كوڕە 15 ساڵانەكەی هێناوە تا نەوەی خۆی ببینێت، بەڵام بووكەكەی ساڵی یەكەم منداڵی نەبووە، ئەویش ژنی دووەمی بۆ كوڕەكەی هێناوە و پاش دوو منداڵ ژمارەی خێزانە گەورەكە سەرجەم بوونەتە 16 كەس.

 

هیشام ئەوەشی نووسیوە، ئەوەی خەمناك و بێزاركەرە لەم چیرۆكە باوك و دایكی خێزانەكە لە ئەنجامی توشبوونیان بە فیشەكی شەڕی خزمان كوژراون، خەم و ژانی خێزانەكەش لێرەوە دەستی پێكردووە كە كوڕە گەورەی دوو ژن 15 كەسی بەسەردا كەوتووە بەبێ ئەوەی خانوو یان ئیشێكی هەبێت بۆ دابینكردنی بژێوی و دەڵێت، "ئێمە ئەركی خۆمان بەجێهێناوە دەربارەی ئەم خێزانە، بەڵام بەڕای ئێوە كێ بەرپرسە لەم گرفتە؟".

 

تێبینی: فۆتۆكان هی خانەكەی "هشام الذهبي" ییە و هی خێزانەكە نییە. 

 

me_ga.php?id=4382