گه‌ڕان

Shadow Shadow
سیاسه‌تی

زانیاریی زیاتر

بافڵ تاڵەبانی: ئەم کەسانە لە یەکێتی دووردەخرێنەوە

2021.08.12 - 22:55
App store icon Play store icon Play store icon
بافڵ تاڵەبانی: ئەم کەسانە لە یەکێتی دووردەخرێنەوە

ناس کورد- 

بافڵ تاڵەبانی لەگەڵ وەفدێکی کەمئەندامانی سەنگەر کۆبووەوە و ڕایگەیاند، دەیانەوێت یەکێتی پاک بکەنەوە لە گەندەڵکاران و ئەوانەی دەستیان بۆ بژێوی ژیانی خەڵک و کار و بازرگانی هاووڵاتییان دەبرد و یەکێتییان بۆ بەرژەوەندی تایبەت بەکاردەهێنا، دووردەخرێنەوە.

کەناڵی ناس کورد لە تێلیگرام جۆین بکە   

 

بەگوێرەی ڕاگەیەنراوێکی نوسینگەکەی، لە دیدارێکدا کە شێخ جەعفەر شێخ مستەفا، جێگری سەرۆکی هەرێمی کوردستان ئامادەیبوو، بافڵ تاڵەبانی سوپاس و پێزانینی یەکێتیی نیشتمانیی کوردستانی ئاراستەی وەفدەکە کرد و ڕایگەیاند، "یەکێتی شانازی بە خەبات و تێکۆشانی ئێوەی قارەمانەوە دەکات، ئێستاش یەکێتی ماڵی ئێوەیە و دەبێت پێش هەموو کەسێک خۆتان بە خاوەنی بزانن." 

 

ئاماژە بەوەشکراوە، لە درێژەی دیدارەکەدا بافڵ تاڵەبانی بەوردی باسی لە گۆڕانکارییەکانی ناوخۆی یەکێتی کرد و وتی، "دەمانەوێت یەکێتی پاک بکەینەوە لە گەندەڵکاران و ئەوانەی دەستیان بۆ بژێوی ژیانی خەڵک و کار و بازرگانی هاووڵاتییانمان دەبرد، ئەوانەی یەکێتییان بۆ مەرامی شەخسی و بەرژەوەندی تایبەت بەکاردەهێنا، دووردەخرێنەوە و رێگە نادەین حزبی شەهیدان ببێتە لانەی لەیاسادەرچووان و ئەوانەی لە گەندەڵییەوە تێوەگلاون." 

 

بەگوێرەی ڕاگەیەنراوەکە، بافڵ تاڵەبانی ئاماژەی بەوەشکردووە، " یەکێتی دەخەینەوە خزمەت خەڵکە خۆشەویستەکەمان و داوا لە حکومەتی هەرێمی کوردستان دەکەین خزمەتگوزاری زیاتر پێشکەش بکات و ژیانێکی ئارام و شایستە بۆ خەڵک دەستەبەر بکات."

 

زیاتر بخوێنەرەوە: پەیامێک لە بافڵ تاڵەبانییەوە: ئەنجامی دڵخۆشکەر دەبینن