گه‌ڕان

Shadow Shadow
سیاسه‌تی

’’ڕێکاری یاسایی نەک خۆسەپاندن’’

’’سیناریۆ و چیرۆکی داتاشراو’’..راگەیەنراوێک لە لاهور جەنگییەوە

2021.08.11 - 19:01
App store icon Play store icon Play store icon
’’سیناریۆ و چیرۆکی داتاشراو’’..راگەیەنراوێک لە لاهور جەنگییەوە

ناس کورد-

 

لاهور جەنگى رایگەیاند،  دەبێت کێشەکانی ناوخۆی یەکێتى لە ڕێگەی ئەنجوومەنی سەرکردایەتییەوە چارەسەر بکرێن نەک بە خۆسەپاندن و خواستی کەسی.

کەناڵی ناس کورد لە تێلیگرام جۆین بکە   

 

لاهور جەنگى لەراگەیەنراوێکدا کە دەست "ناس کورد" کەوتووە رایگەیاند، لەکۆبوونەوەیدا لەگەڵ کونسوڵی گشتیی هۆڵەندا لە هەرێم وتویەتى "دەبێت کێشەکانی ناوخۆی حزبەکەمان بە ڕێکاری یاسایی و حزبی و بە پێی پەیڕەو و پرۆگرام و لە ڕێگەی ئەنجوومەنی سەرکردایەتییەوە چارەسەر بکرێن نەک بە خۆسەپاندن و خواستی کەسی". 

 

دەشڵێت "لەبارەی ئەو تۆمەتە بێبنەمایانەی ڕووبەڕوومان دەکرێتەوە، ڕوونمان کردەوە کە سیناریۆ و چیرۆکی داتاشراون دەبیستین، دەبێت یاسا سەروەر بێت و لە دادگا یەکلایی بکرێنەوە، ناکرێت چیتر بۆ ڕاکێشانی هەست و سۆز، تێکەڵ بە ڕووداوەکانی ناو یەکێتیی بکرێت".

 

لاهور جەنگى جەختیکردووەتەوە، ئەوان هەرگیز دژی چاکسازیی نەبوون "کۆنگرەمان کردووە و حزبەکەمان لە لێواری لەناوچوون پاراست و گەڕاندمانەوە بۆ سەر شاڕێی سیاسیی خۆی، کاتێک بەرەو هەڵبژاردن دەچووین و سەرقاڵی سەرخستنی هاوپەیمانی کوردستانی بووین ئەم کارەساتە بەسەر حزبەکەماندا هات".

 

پێشیوایە، ئەوەی ڕوودەدات بە ناوی چاکسازییەوە "گەیشتنە بە هەندێک مەرامی تایبەتی بە ڕێگایەکی ناشەرعی و لە دەرەوەی یاسا و پەیڕەوی حزبی".