گه‌ڕان

Shadow Shadow
سیاسه‌تی

کەجەکە بۆ پارتى: چەقۆ گەیشتە سەر ئێسقان و ئارامگرتن کۆتایی هات

2021.08.10 - 16:42
App store icon Play store icon Play store icon
کەجەکە بۆ پارتى: چەقۆ گەیشتە سەر ئێسقان و ئارامگرتن کۆتایی هات

ناس کورد-

 

 ئەندامێکى کۆنسەی بەڕێوبەریی کۆما جڤاکێن کوردستان- کەجەکە، پارتى تۆمەتباردەکات بەوەى لەگەڵ تورکیا ویستویانە لەشکرکێشى بکەن بۆ ناوچەکانى ژێر دەستى گەریلا و دەڵێت، ئیتر ئارام گرتنیان کۆتایی هاتووە.

کەناڵی ناس کورد لە تێلیگرام جۆین بکە   

 

بەپێی میدیاکانى پەکەکە، مستەفا قەرەسوو لەبەرنامەیەکى تەلەفزیۆنیدا رووى دەمى کردووەتە پارتى و وتویەتى "بۆچی هێرشت کردە سەر گەریلا لە خەلیفان؟، ئایا ئەمە هۆکارێک نییە بۆ هەڵگیرساندنی شەڕ؟".

 

وتیشى "بەهۆی خەمخۆریی گەریلاوە شەڕ نەهاتووەتە ئاراوە، بەڵام ئیتر ئەو ئارامگرتنەش کۆتایی هاتووە و چەقۆ گەیشتووەتە سەر ئێسقان.

 

بەوتەى قەرەسوو ”چەند ڕۆژێک پێش ئێستا پەدەکە لەگەڵ کاربەدەستانی دەوڵەتی تورک کۆبوونەتەوە، دوای ئەو دیدارە ویستیان لە شیلادزێوە لەشکرکێشیی بکەن، بەڵام بەهۆی هەڵوێستی خەمخۆری گەریلاوە، ڕێگریی لە ڕوودانی شەڕ کرا".

 

لەسەر ڕووداوەکەی خەلیفان، قەرەسوو وتی "هێشتا چارەنووسی ئەو گروپە گەریلایە نازانین، هەپەگە داوای ڕوونکردنەوە کردووە بەڵام پەدەکە وەڵام ناداتەوە".