گه‌ڕان

Shadow Shadow
سیاسه‌تی

هێزی ئەمنی

ڕاگەیەنراوێک لەبارەى چارەنوسی میدیاکانی سەر بە لاهور شێخ جەنگی

2021.08.10 - 14:36
App store icon Play store icon Play store icon
ڕاگەیەنراوێک لەبارەى چارەنوسی میدیاکانی سەر بە لاهور شێخ جەنگی

ناس کورد-

سەنتەری میترۆ دەڵێت، لە نوێترین ڕێوشوێن لەدژی میدیاکانی نزیک لە لاهور شێخ جەنگی، "هێزێکی دەستی گرتووە بەسەر توڕی هەواڵیی ژیان کە زیاتر لە 70 کارمەند کاری تێدا دەکەن."

کەناڵی ناس کورد لە تێلیگرام جۆین بکە   

 

سەنتەری میترۆ بۆ داکۆکی لە ڕۆژنامەنوسان لە ڕاگەیەنراوێکدا (10ی ئابی 2021) دەڵێت، لە چەند رۆژی رابردوودا سەرلەنوێ، پرسی گەڕانەوەی هەندێك میدیای نزیك لە هاوسەرۆكی یەكێتی نیشتمانی كوردستان لاهور شێخ جەنگی، بۆ سەر مەكتەبی راگەیاندنی ئەو حزبە، سەریهەڵدایەوە."

 

باسی لەوەشکردووە، "تازەترین ڕێوشوێن  تۆری هەواڵی ژیانی گرتەوە و هێزێك دەستی بەسەردا گرتووە، ئەم تۆرە زیاتر لە 70 كارمەند كاری تێدا دەكەن."

 


سەنتەری میترۆ جەختی لە هەمان هەڵوێستی پێشووی خۆی کردووە "كە لە كۆبونەوەیدا لەگەڵ جێگری سەرۆكی ئەنجومەنی وەزیران قوباد تاڵەبانی، دەربارەی ئەم پرسە دوبارە دەكاتەوە، كە جەختكردنەوە بوو لە پاراستنی مافی ئەو كارمەندانەی كە لە میدیای رەسمی هاوسەرۆكی یەكێتی نیشتمانی كوردستان لاهور شێخ جەنگی، كاریان كردوە، وەك ئای پڵەس و ئەوانی تر."


میترۆ دەشڵێت؛
1. یەكێتی نیشتمانی كوردستان ئازادە لە شێوازی رێكخستنەوەی ئەو دەزگایانەی كە بە بودجەی حزبەكەی بەرێوەدەبرێن، بەڵام نابێت بەندەكانی یاسای رۆژنامەگەری دەربارەی مافەكانی ئەو كارمەندانە، ببەزێنێت.


2. ئەو كارمەندانەی لە میدیاكانی هاوسەرۆكی یەكێتی نیشتمانی كوردستان لاهور شێخ جەنگی، كاریان كردووە، درك بەوە دەكەن كە سیاسەتی میدیای گۆرانكاری بەسەردا دێت، بڕگەی شەشەم لە مادەی حەوتەمی یاسای رۆژنامەگەریدا ئاماژەی پێكردوە كە رۆژنامەس دەتوانی خۆی گریبەستەكە هەڵبوەشێنێتەوە، واتا تۆ سیاسەتی نوێت قبوڵ نییە، خۆت بریار دەدەیت لەو دەزگایە كار بكەیت یان كار نەكەیت.


3. جیاوازی هەیە لە نێوان كاری رۆژنامەنوسی پیشەیی و كاری سوپای ئەلیكترۆنی تۆرە كۆمەڵایەتییەكان، ئەمەیان لە یاسای رۆژنامەگەری هیچ ئاماژەیەكی پێنەكراوە.