گه‌ڕان

Shadow Shadow
سیاسه‌تی

’’پابەندین’’

نوێترین لێدوانی لاهور شێخ جەنگی لەبارەى تۆمەتەکانی سەری

2021.08.09 - 20:21
App store icon Play store icon Play store icon
نوێترین لێدوانی لاهور شێخ جەنگی لەبارەى تۆمەتەکانی سەری

ناس کورد-

لاهور شێخ جەنگی، هاوسەرۆكی یەكێتی جەختدەکاتەوە کە پابەندی هەر بڕیارێك دەبێت كە حزبەكەی بیدات بۆ چارەسەركردنی كێشەكان بە مەرجێك پێچەوانەی پەیڕەو و پڕۆگرامی یەكێتی نەبێت و دەشڵێت، "هەموو ئەو تۆمەتانەی ڕووبەڕوومان کراونەتەوە بێ بنەمان و دەبێت لە دادگا و بە ڕێکاری یاسایی یەکلابکرێنەوە."

کەناڵی ناس کورد لە تێلیگرام جۆین بکە   

 

لاهور شێخ جەنگی ئێوارەی ئەمڕۆ دووشەممە (9ی ئابی 2021) لەمیانی پێشوازیكردنی لە زەید عومەر ئاغا، سەرۆکی عەشیرەتی سورچی و جەوهەر محێدین ئاغا، سەرۆکی عەشیرەتی هەرکی چەند پەیامێکی بڵاوکردەوە.

 

بەپێی راگەیەندراوی نوسینگەکەى، "گفتوگۆ کرا لەبارەی دۆخی ناوخۆی یەکێتیی و چارەسەرکردنی کێشەکان بە ئاشتی و بە ڕێگەچارەی حزبی و لەناو کۆبونەوەی ئەنجومەنی سەرکردایەتی."

 

لاهور شێخ جەنگی ڕایگەیاند، "ئەمەی ڕویداوە کارەساتێکە بەسەر یەکێتییدا هاتوە، دەبێت بە هەمومان کار بۆ پاراستنی یەکێتیی بکەین و نابێت یەکێتییەکان و میللەتەکەمان لەوە زیاتر نیگەران بکەین بە تایبەت کە بەرەو هەڵبژاردنێکی چارەنوسساز هەنگاو دەنێین."

 

وتیشی، "پابەندی هەر بڕیارێک دەبم کە یەکێتیی بیدات بۆ چارەسەرکردنی کێشەکان بە مەرجێک پێچەوانەی پەیڕەو و پرۆگرامی یەکێتیی نەبێت."

 

دوپاتیشی کردەوە کە "هەموو ئەو تۆمەتانەی ڕوبەڕومان کراونەتەوە بێبنەمان و دەبێت لە دادگا و بە ڕێکاری یاسایی یەکلابکرێنەوە."