گه‌ڕان

Shadow Shadow
سیاسه‌تی

دوو ملیار بۆ حکومەت دەگەڕێتەوە

لەم مانگەوە موچەی پلە باڵاكان بە ھەموارکراوی دابەش دەکرێت

2021.08.07 - 13:36
App store icon Play store icon Play store icon
لەم مانگەوە موچەی پلە باڵاكان بە ھەموارکراوی دابەش دەکرێت

ناس کورد-

بەڕێوەبەڕی ئامار لە خانەنشینی ھەرێمی کوردستان ڕایگەیاند، لەم مانگەوە موچەی خانەنشینی پلە باڵاکان بە ھەموارکراوی دابەش دەکرێت و، بەوەش دوو ملیار دینار بۆ خەزینەی حکومەت دەگەڕێتەوە.

 

کەناڵی ناس کورد لە تێلیگرام جۆین بکە   

 

سەباح موخلیس لە لێدوانێکیدا بۆ ماڵپەڕی فەرمیی پارتی (7ی ئابی 2021)، "چاکسازیکردن و پێداچوونەوە بە دۆسییەی خانەنشینی پلە باڵاکان، تەنیا پەرلەمانتاران ماون، ئەوانیش ئەم ھەفتەیە تەواو دەبن، کە 420 پەرلەمانتار دەبن، بەمەش کۆتایی بە چاکسازی لە خانەنشینی پلە باڵاکان دێت و، دواتر ھەنگاوی دیکەی بەدواوە دێت، ئەوانیش خانەنشینی مەدەنی دەبێ".

 

بەڕێوەبەری ئامار لە خانەنشینی ھەرێمی کوردستان ڕوونیشیکردەوە، "ئەوانەی پلە باڵان لەم مانگەوە موچەیان بە ھەموارکراوی وەردەگرن بەپێی لیستی نوێ، چونکە یاسای چاکسازی چۆنی داناوە، ئێمە بەو شێوەیە ھەموارمان کردووەتەوە".

 

سەباح موخلیس باسی لەوەشکرد، "بەرزترین موچە بۆ ئەندام پەرلەمان 50% دەبێت و، کەمترینیشی 25% دەبێت و، ئەوانەی وەزیر و بریکاری وەزیرن، دەگاتە 60%، بۆیە پلەباڵاکانی دیکە ئەوانە لە 50 بۆ 60% دەست پێدەکات و، ھەر یەکە و بەڕێژەیەکە".

 

وتیشی، "بە چاکسازیکردن لە موچەی پلە باڵاکان، نزیکەی دوو ملیار دینار بۆ خەزینەی حکومەتی ھەرێمی کوردستان دەگەڕێتەوە".