گه‌ڕان

Shadow Shadow
سیاسه‌تی

فڕۆکە بێفڕۆکەوانەکان لەکوێوە دێن؟!

پارتی لەبارەى هێرشەکانی سەر هەولێر پەیامێکی گەیاندووەتە ئێرانییەکان

2021.08.07 - 09:20
App store icon Play store icon Play store icon
پارتی لەبارەى هێرشەکانی سەر هەولێر پەیامێکی گەیاندووەتە ئێرانییەکان

ناس کورد-

هۆشیار زێباری، ئەندامی مەکتەبی سیاسیی پارتی لەبارەى هێرشەکانی ماوەی ڕابردووی سەر هەولێر کە بە فڕۆکەی بێفڕۆکەوان ئەنجامدران ڕایگەیاند، پەیامێکیان بە ئێران گەیاندووە کە هەڵدانی ئەو موشە و فڕۆکە بێفڕۆکەوانانە لە توانای گروپە چەکدارییەکاندا نییە. 

کەناڵی ناس کورد لە تێلیگرام جۆین بکە   

 

هۆشیار زێباری لە چاوپێکەوتنێکیدا لەگەڵ کەناڵی "الرشید" کە "ناس کورد" بینیویەتی وتی، "ئێمە پەیاممان بە ئێران (بەبێ لۆژیکی دیبلۆماسی) گەیاند، کە تێیدا جەختیمان کردەوە کە تەکنەلۆژیای هەڵدان و کارپێکردنی فڕۆکە بێفڕۆکەوانەکان لە وزە و هێز و توانای ئەو گروپە چەکدارییانەدا نییە کە چەند ساڵێکە سەریان هەڵداوە، بە دڵنیاییەوە لایەنێکی دیکە هەیە کە ئەوانیان بۆ دابین دەکات."

 

ئاشکراشی کرد کە "فەرماندە و ڕاوێژکاری ئاسایشی نیشتمانی و سەرۆکی دەستەی حەشدی شەعبی لەدوای هێرشە یەک لەدوای یەکەکانی سەر هەرێمی کوردستان لە پەیوەندییەکانیاندا لەگەڵ بەرپرسانی هەرێم بانگەشەی ئەوە دەکەن کە نازانن کێ کاتیۆشا بە بارەگا و بنکە سەربازییەکان و فڕۆکەخانەی هەولێر دەنێت، ئەمەش ڕێی تێناچێت".

 

هۆشیار زێباری جەخت دەکاتەوە کە "لایەنی ئێرانیمان ئاگادارکردووەتەوە لە هەڵوێستی خۆمان بەرامبەر مانەوەی هێزەکانی ئەمریکا و تارانیش لەوە تێگەیشتووە".

 

وتیشی، "ئەو فڕۆکە بێ فڕۆکەوانانەی کە جار جارە هێرش دەکەن سەر فڕۆکەخانەی هەولێر هەڕەشە لە سەلامەتی سەرنشینەکان و خەڵک بە گشتی دەکەن، ئامانجی ڕاگەیاندراویش لە هێرشەکان بوونی ئەمریکایە، بەڵام ئەوە دەبێتە هۆی ناسەقامگیرکردن و بەئامانجگرتنی ئاسایشی هەرێم".

 

وتیشی، "لایەنی ئەمریکی بێدەنگ نابێت لە بەئامانجگرتنی بەرژەوەندییەکانی خۆی لە بەغدا و هەولێر".