گه‌ڕان

Shadow Shadow
سیاسه‌تی

پاریس سان جێرمان ’’بیر لەگرێبەست لەگەڵ میسى ناکاتەوە’’

2021.08.06 - 09:06
App store icon Play store icon Play store icon
پاریس سان جێرمان ’’بیر لەگرێبەست لەگەڵ میسى ناکاتەوە’’

ناس کورد-

 

رۆژنامەیەکى فەڕەنسى ئاشکرایکرد، پاریس سان جێرمان لەئێستادا بیر لەوە نەکاتەوە گرێبەست لەگەڵ لیۆنێل میسى واژۆ بکات، دواى ئەوەى پەیوەندى لەگەڵ یانەى بەرشەلۆنە پچڕا.

کەناڵی ناس کورد لە تێلیگرام جۆین بکە   

 

رۆژنامەى "لو باریزیان" ى فەڕەنسى بڵاویکردەوە، لەئێستادا لەسەر مێزى پاریس سان جێرمان پرسی دیکەى گرنگ گفتوگۆى لەسەر دەکرێت، کە دیارترینیان مانەوەى کیلیا مبابی یە، نەک گرێبەست لەگەڵ میسى.

 

هەروەها رۆژنامەى "ئاس" ى ئیسپانى بڵاویکردەوە، دەنگۆى چوونى میسى بۆ ئەو یانەیە ەک خۆى دەمێنێتەوە تا ئەو یاریزانە دەچێتە یانەیەکى دیکەوە.

 

دوای 17 ساڵ، یانەی بەرشەلۆنە لە هەواڵێکی چاوەڕواننەکراودا بە فەرمیی ڕۆشتنی مێسیی لە یانەکە ڕاگەیاند و ئاماژەی بەوەکرد، یاریزانەکە ئازادە، هەروەها ناوی لە لیستی یاریزانەکاندا سڕییەوە.   

  

سەرچاوە هەواڵییەکانی ئەوروپا، ناوی مێسی بە سێ یانەی ئەوروپییەوە دەبەستنەوە کە ئەمانەن:   

  

پاریس سانجێرمان  

  

بەگوێرەی ڕاپۆرتەکان، یانە پاریسییەکە لە هەمووان نزیکترە لە مێسییەوە، ئەویش بەهۆی توانای زۆری دارایی یانەکەوە کە دەتوانێت سەرجەم مەرجەکانی ئەستێرە ئەرجەنتینییەکە جێبەجێ بکات. 

  

یەکێکی دیکە لەو هۆکارانەی مێسی لە پاریس نزیکدەکاتەوە بوونی چەند هاوڕێیەکیەتی بەتایبەت هەریەک لە دیماریا و پارادێسی هاونیشتیمانیی و نێیماری بەڕازیلی.   

  

هەو لەو چوارچێوەیەدا لە چەند ڕۆژی ڕابردوودا وێنەیەکی مێسی و ئەو سێ یاریزانە و مارکۆ ڤیراتی بڵاوبووەوە کە ئەوەش وای کردووە ڕۆژنامەکان زیاتر ناوی مێسی بە یانە فەڕەنسییەکەوە ببەستنەوە.   


me_ga.php?id=4343  

  

مانچستەر سیتی  

  

ئەوەی کە مێسی بە مان سیتییەوە دەبەستێتەوە بوونی پەیوەندییەکی بەهێزە لەنێوان یاریزانەکە و گواردیۆلای ڕاهێنەری ئەو یانەیە، هەروەها توانای زۆری یانەکە لە ڕووی مادییەوە.   

  

ئەوەشی کە ڕەنگە ببێتە ڕێگر لەبەردەم ئەو گواستنەوەیەدا، ئەوەیە کە  یانە ئینگلیزییەکە گرێبەستێکی گرانبەهای لەگەڵ جاک گریلێشی ئینگلیزی واژۆ کردووە بە دەوروبەری 100 ملیۆن پاوەند.   

  

چێڵسی   

  

لەدوای بەدەستهێنانی خولی یانە پاڵەوانەکانی ئەوروپای وەرزی ڕآبردوو. ئیبرامۆڤیچی ملیاردێری ڕووسی دەیەوێت ڕیزەکانی یانەکەی بەهێز بکاتەوە.   

  

سەرچاوەکان دەڵێت، ملیاردێرە ڕووسییەکە خەزێنەکەی بۆ کڕینی یاریزانی نوێ کردووەتەوە بەتایبەت کە بەدەست نەبوونی هێرشبەرەوە دەناڵێنن و مێسی دەبێتە هاوکارێکی گەورە بۆیان.   

  

گەڕانەوە بۆ ئەرجەنتین   

  

بەگوێرەی سەرچاوەکانی هەواڵ یەکێکی دیکە لە ئەگەرەکانی بەردەم مێسی گەڕانەوەیە بۆ یاریکردن لە خولی وڵاتەکەی، ئەگەرچی ئەمە ئەگەرێکی دوورە ئەوەش بەهۆی ئەوەی هێشتا مێسی ئاستێکی بەرز پێشکەش دەکات و تەنانەت ئەمساڵ ڕکابەرێکی بەهێزی بردنەوەی نازناوی باشترین یاریزانی جیهانە.   

  

سەرچاوەکان لە ئەگەری بڕیارێکی وەهای مێسیدا ناوی دەبەستنەوە بە هەردوو یانەی نیوز ئۆڵد بۆیز یاخود بۆکاجۆنیۆرزەوە.