گه‌ڕان

Shadow Shadow
سیاسه‌تی

پارەکەى چى لێدەکرێت؟

’’لەسەر خواستى خۆى’’..ئۆتۆمبێلەکەى سلێمان هەڵشۆیی چۆن فرۆشرا؟

2021.08.05 - 13:47
App store icon Play store icon Play store icon
’’لەسەر خواستى خۆى’’..ئۆتۆمبێلەکەى سلێمان هەڵشۆیی چۆن فرۆشرا؟

 

ناس کورد-

 

ئۆتۆمبێلەکەى سلێمان هەڵشۆیی بە بڕیارى دادگا لە زیادکردنى ئاشکرادا فرۆشرا و پۆلیسیش دەڵێت لەسەر خواستى خۆى بووە.

کەناڵی ناس کورد لە تێلیگرام جۆین بکە   

 

شۆڕش ئیسماعیل وتەبێژى پۆلیسى راپەڕین بە "ناس کورد" ى راگەیاند، لەسەر خواستى سلێمان بڕیارى فرۆشتنى ئۆتۆمبێلەکە دراوە، لەبەرئەوەى ژمارە کاتى ساڵى 2021 بووە و کێشەى یاسایی بۆ دروستدەبوو.

 

وتیشى زیاتر لە 10 کەس بەشداریان کردووە لەو زیادکردنە ئاشکرایەى بۆ فرۆشتنى ئۆمبێلەکە کراوە، دواجار بە (120 هەزار دۆلار و 46 وەرەقە) فرۆشراوە.

 

شۆڕش ئیسماعیل باسى لەوەشکرد، ئەو پارەیە هاوشێوەى سامانەکەى دیکەیی هەڵشۆیی دەستى بەسەردا دەگیرێت تا چارەنوسیى کەیسەکەى یەکلایی دەبێتەوە.

 

کێشەى سلێمان هەڵشۆيی  

رۆژى شەممە (19ى کانونى یەکەمى 2020)، بڵاوبوونەوەى هەواڵى "مایەپووچبوونى سلێمان" دەڤەرى پشدەرى هەژاند و پەردەى لەسەر مامەڵەیەکى 30 ملیۆن دۆلارى ئەو سەرمایەدارە گەنجە لەگەڵ سەدان کەسى دیکەدا هەڵماڵى.    

  

سلێمان (28 ساڵ) کە خێزاندارە و خاوەنی سێ منداڵە و دانیشتوی شاری قەڵادزێ یە، کارى سەرەکى پێشمەرگایەتی بوو، بەڵام لەپڕ ناوبانگێکى گەورەى پەیداکرد کاتێک تێکەڵ بەمامەڵەیەکى بەرفراوانى چەند ملیۆن دۆلارى بوو.    

  

بەپێی بەدواداچونەکانى "ناس کورد"، مامەڵەى سلێمان لەگەڵ ئەو کەسانە بەچەند شێوازێک بووە، کە دیارترینیان وەرگرتنى ئۆتۆمبیل بووە لە خەڵک بە گرانتر لە نرخى بازاڕ و پێدانى پارەکان بەو کەسانە لەماوەى چەند مانگێکدا.    

  

سلێمان بەو رێگەیە لەماوەی ساڵێکدا زیاتر لە (30) ملیۆن دۆلاری خەڵکی کەوتووەتەلا و ئێستا لەسەر سکاڵای زیاتر لە هەزار کەس لەلایەن پۆلیسی ڕاپەڕینەوە بەپێی ماددەى 456 کە تایبەتە بە فێڵکردن دەستگیر کراوە.    

  

ئەو کەسانەى کە دەڵێن پارەیان لەلاى سلێمانە، بڕوا بە مایەپوچبوونى ناکەن و دەڵێن پارەکەیان خوراوە، بەڵام بەوتەى پۆلیس، سلێمان لە زیندان وتویەتى "مایەپوچ بووم، بەڵام پارەی ئەو خەڵکە دەدەمەوە".    

  

سلێمان لە زیندان بەتەنها نییە، بەڵکو چەند کەسێکى دیکەش لەگەڵیدا دەستگیرکراون.  

  

سلێمان لە مامەڵەکانیدا پشتى بە بەڵگەنامەى فەرمى و یاسایی نەبەستووە، تەنها وەسڵێکى بەناو و واژۆى خۆیەوە بۆ ئەو کەسانە کردووە.    

  

جگە لە ئۆتۆمبیل، سلێمان دەمانچە و ئاژەڵیشى بە نرخى دوو هێندە یان کەمتر لەخەڵک وەردەگرت و خۆى راستەوخۆ بە نرخى راستەقینە دەیفرۆشت و مۆڵەتى چەند مانگێکى بۆ ئەو کەسە دادەنا تا پارەکەى پێبدات.    

  

ئەوانەى مامەڵەیان لەگەڵ سلێمان کردووە کەسانى جۆراوجۆرن و لەهەموو چین و توێژەکانى تێدایە، دەوترێت هەندێ کەسى تێدایە کە خاوەنى بڕوانامەى بەرزن.