گه‌ڕان

Shadow Shadow
سیاسه‌تی

كودەتای نەرم

سەنتەرێكی ئیماراتی پێشبینییەكانی بۆ ئایندەی یەكێتی دەخاتەڕوو

2021.08.04 - 23:00
App store icon Play store icon Play store icon
سەنتەرێكی ئیماراتی پێشبینییەكانی بۆ ئایندەی یەكێتی دەخاتەڕوو

ناس كورد-

 

سەنتەری ئیمارات بۆ پۆلەتیك پێشبینی دەكات ڕووداوەكانی یەكێتی بە بردنەوەی ماڵی تاڵەبانی كۆتایی بێت و پارتی و یەكێتی زیاتر لەیەكتر نزیك بكاتەوە، بەڵام یەكێتی هەر لەبەردەم مەترسی بزووتنەوە نوێیەكانی سلێمانی و كێشەو گێژاوی ناوخۆییدا دەبێت.

کەناڵی ناس کورد لە تێلیگرام جۆین بکە   

 

بەگوێرەی ڕاپۆرتی سەنتەرەكە (epc) كە "ناس كورد" خوێندنەوەی بۆ كردووە (4ی ئابی 2021)، قاچاخچێتی سنوورەكان بەدەست لاهور جەنگی هاوسەرۆك بووە لەگەڵ چەندین باڵی میدیایی كە دواترینیان كەناڵی "ئای پڵەس" بووە و هێشتا نەكەوتووەتە پەخش.

 

ڕاپۆرتی سەنتەرەكە باس لەوە دەكات، بافڵ تاڵەبانی، دەڵێت جاسوس لەماڵەكەی دانراوە و هەوڵی ژەهرخواردكردنی دراوە، لەدوای ئەوەش بەكردەیی لاهور جەنگی داماڵراوە لە دەسەڵات لە شێوەیەكی "كودەتای نەرم".

 

هەروەها دەڵێت " لاهور لەگەڵ سەربەخۆیی سلێمانیدا بووە، لەگەڵ بەغدا هەماهەنگی كردووە، لەگەڵ پەكەكە پەیوەندی دروستكردووە كە دوژمنی پارتییە". باسی لەوەشكردووە "توركیا دڵخۆشە بەوەی ڕوویداوە بەڵام دوورە دەستی هەبووبێت تێیدا".

 

لەكۆتاییدا ڕاپۆرتەكەی سەنتەری ئیمارات دەڵێت "براوە ماڵ تاڵەبانین و لاهور لە لاوازترین دۆخدایە". هەروەها جەخت لەوەش دەكاتەوە "لەپاش ئەم ڕووداوانە پارتی و یەكێتی نزیك دەبنەوە لەیەكتر بەڵام یەكێتی هەر لەگێژاوی ئاژاوەدا دەمێنێتەوە و بەردەوام بزوتنەوەی نوێی بۆ دروست دەبێت لەسلێمانی".

 

بارودۆخی یەكێتیی نیشتمانیی كوردستان لەپاش 8 تەمموز

 

ئێوارەی 8 تەمموزی 2021، بافڵ تاڵەبانی  هاوسەرۆكی یەكێتی و قوباد تاڵەبانی جێگری سەرۆك وەزیران، بەرپرسانی دەزگای زانیاری و دژە تیرۆریان گۆڕی كە یەكەمیان كەسێكی نزیكی لاهور جەنگی و ئەویتریان پۆلاد جەنگی بوو، بەدوای ئەوەشدا بافڵ تاڵەبانی دەستی گرت بەسەر دەزگا میدیایی و حزبییەكانی سەر بە لاهور شێخ جەنگی هاوسەرۆكەكەیتری یەكێتی و پرۆسەكەش لەمیدیای ئەم حیزبەوە ناونرا "ڕاستكردنەوەی ڕێڕەو" و گەیشتە دەركردنی فرمانی گرتن بۆ لاهور شێخ جەنگی و دووان لە براكانی و هەندێك لە بەرپرسە نزیكەكانی. 

 

 میدیا فەرمی و نیمچە فەرمییەكانیتری یەكێتی و بافڵ تاڵەبانی پێداگرن لەسەر ئەوەی بازنەی دەوروبەری لاهور جەنگی و دووان لە براكانی هۆكاری سەرەكی تەشەنەكردنی قاچاخچێتی و پارە سپیكردنەوە و داگیركردنی زەوی و بەكارهێنانی هێزە ئەمنییەكانیان بوون بۆ مەرامی شەخسی لەژێر دەسەڵاتی یەكێتی، لە بەرامبەریشدا لاهور شێخ جەنگی جەخت لەوە دەكاتەوە ئەوەی بەرامبەری كراوە پیلانگێڕی توركیا و پارتییە و هۆكارەكەشی هاوكاریكردنی بووە بۆ رۆژئاوای كوردستان و هەوڵدانی بووە بۆ گۆڕینی باڵانسی هێز لەنێوان پارتی و یەكێتی.